Shillong, Lber 13: U Myntri ka Sorkar Pdeng Dr. Jitendra Singh hynne ka sngi Palei, u la buh mawnongrim ban tei iaka North East Centre for Technology Application and Reach (NECTAR) ha Mawdiangdiang, Shillong.
Ka NECTAR ka dei ka Autonomous Institute kaba hap hapoh ka tnat Science and Technology (DST), ka Sorkar India kadei ka jaka hikai pyntbit ban pyndonkam ia ka teknoloji na ka bynta ka roi ka par ha ka imlang sahlang ha ka thain shatei lammihngi.
U Myntri ka Sorkar Pdeng u la leit jngoh ruh ïa ki stall jong ka NECTAR ha IIM Shillong bad u la ïashim bynta lang ha ka jingthang ïa ka sharak ha ryngkat ki riew rangbah bad ki ophisar ka Sorkar Meghalaya.
Ha kane ka sngi la don lang ruh u Dr Arun Kumar Sarma uba dei u Director General ka NECTAR.
Ha ba ai jingkren ha kane ka sngi u Dr Jitendra Singh u la pynpaw ïa ka jingsngewkmen halor ka jingseng ïa ka Campus jong ka NECTAR kaba dei ka jaka hikai pyntbit haka juk science bad u la ong ba kane kadei ka sngi ban sah jingkynmaw iaka Meghalaya.
U Dr Jitendra Singh u la kdew ba ïa ka NECTAR la seng ha u snem 2014, u snem ba nyngkong jong ka Sorkar jong u Myntri Rangbahduh ka ri u Narendra Modi bad ka la nang pynïar ïa ka jingtreikam jong ka ha baroh 8 tylli ki jylla ka thaiñ Shatei Lammihngi.
“Ka NECTAR ka la roi naduh namar ka jingkyrshan jong u Myntri Rangbahduh ka ri u Narendra Modi. Mynta ka sngi, da la ka jong ka jaka, kane ka jaka pule ka buh ia ka nongrim kaba thymmai ha ka jingkylla jong ka thain shatei lammihngi” u la ong.
U Myntri Sokar Pdeng u la ïaroh ïa ki jingthmu jong ka NECTAR, ba kynthup ïa ka Mission Saffron, kaba la sdang ha u snem 2021, kaba pynrung ïa ka jingrep Saffron ha ka thaiñ Shatei Lammihngi. “Ha u snem ba la dep, ngi la ioh ia ka GI tag na ka bynta u Saffron jong ka Jammu bad Kashmir. Mynta, ka thaiñ shatei lammihngi ka don ka lad ban mih kum ka jaka rep kaba bud jong ka India,” u la ong.
U la ïaroh ïa ka jingseng ïa ka STEM Education Lab ha Shillong, kaba la pynwandur ryngkat ka jingïatreilang bad ka IISER Pune bad ka Smart Village Movement, ka ban pynkupbor ïa ki khynnah skul na ki 100 tylli ki skul da ki kor ki bor kiba thymmai kum ki kor electronics, robotics, bad 3D printing.
U Dr Jintendra Singh u la kren ruh shaphang ka bynta jong ka NECTAR ha ki drone teknoloji bad u la ai khublei ruh ïa ka jingpyrshang jong ka NECTAR ha ka jingpeit bniah ïa ka jingma na ka jingshlei um, da kaba pyndonkam ïa ka GIS bad ki buit wad na jngai ban pynduna ïa ki jingma ha ki distrik Morigaon, Dhubri, bad Majuli. Haba iakren ia ka kam jong ka NECTAR ha ka kam ri ngap bad ka kam ri ngap, u la ong, “Naduh u blang haduh ka kam ri ngap, ka NECTAR ka pynpher ia ka jingktah jong ka ha kylleng ki bynta”.
U Myntri u la pynshlur ïa ka NECTAR ban pynneh ïa ka jinglong ba kyrpang, da kaba kyntu ïa ka jaka pule ban pynleit jingmut ha ki bynta ba kyrpang bad ban pyndonkam bha ïa ki marpoh khyndew jong ki briew, ki jingpule, bad ki marpoh khyndew bad ai jingmut ïa ka ban long ka bor pynkhih na ka bynta ka “Atmanirbhar Northeast” bad ka thaiñ Viksit Bharat, da kaba pynïahap bad ka jingthmu jong u PM Narendra Mo.
Ha kane ka jingïalang la ïashim bynta da ki ophisar na ka DST, NECTAR, bad ki nongshim bynta ba kongsan na ki seng bapher bapher jong ka Sorkar Jylla bad Sorkar Pdeng.
