Shillong,K’lyngkot 07 :U Myntri Rangbah ka Jylla Conrad K Sangma hynne ka sngi saitjain, ula buh mawnongrim ia ka Um Shillong Lummawnei, Umthlong, Mawiong bad Block 13 Water Supply Scheme ka ban pyntrei lyngba ka Jal Jeevan Mission (JJM).
This project was pursued 10 years ago but was abandoned due to funding issues.
Laud the efforts of MDC Sh. Teibor Pathaw & PHE Minister Sh. @ReniktonLyngdoh for reviving the project and we look forward to start it at the earliest for the benefit of the 4 localities. pic.twitter.com/pwE7OEppuj
— Conrad Sangma (@SangmaConrad) January 7, 2023
Ia une u mawnongrim la buh ha ka jingiadon ryngkat u Symbud Myntri Rangbah ka Jylla Bah Prestone Tynsong, Myntri ka Tnad PHE Bah Renikton Lyngdoh Tongkhar, ki Heh Ophisar ka Tnad PHE, u MDC ka Mawlai Bah Teibor Pathaw bad ki riew pawkhmat ka Mawlai.
Kane ka project Um Shillong Lummawnei, Umthlong, Mawiong bad Block 13 Water Supply Scheme ka dei kaba la mang ban pyntrei ha ka jingmang pisa ba kot T. 95,38,22,518.
Haba kren ha ka jingialang, u Myntri Rangbah ka Jylla ula ong ba ka Jal Jeevan Mission ka dei ka prokram ba kongsan bha jong ka Sorkar India bad ka Sorkar Meghalaya.
“Ha u snem 2019, ha ka por ba sdang ka JJM, ka Meghalaya ka wan hatdong duh ha ka jingpynpoi um sha ki thliewiing kaba long tang 0.75 % hynrei mynta ka Meghalaya ka dei kawei na ki Jylla ba pyntreikam bha tam ia kane ka skhim bad kala ioh jingithuh ruh wat naduh u Myntri ka Jal Shakti” ula ong.
U Myntri Rangbah ula pynpaw ia ka jingsngewnguh ia ki Ophisar ka Tnad PHE bad ia u Myntri kiba la trei khlem shongthait. Ula pyntip ruh ba ka Jylla kala nang ioh ia ka song pisa sa arsnem kaba la pynshong nongrim kat kum ka jinglah pyntreikam ia ka skhim. “Kane ka dei ka sakhi ia ka jingtrei shitom jong ka kynhun” ula ong.
U Conrad ula pyntip ba ka Meghalaya kan dei kawei na ki katto katne ki Jylla ban lah kynjoh ia ka thong jong ka JJM hapoh u 2024 kumba la buhpor da ka Sorkar India.
“Ngi la shim ia ka jingkitkhlieh ban pyndep ia kane ka prokram hapoh u 2022 hynrei ki don bun ki jingtynjuh, ngim shym la lah ban pyndep watla 50% na kane ka thong ka dei kaba ngi la pyndep. Hynrei, nga kular ia phi, ka Meghalaya kan sa kynjoh ia ka thong hapoh ka por bala buh da ka Sorkar India” ula ong.
