Tura, K’lyngkot 10 : U Myntri Rangbah ka Jylla Conrad K Sangma, hynne ka sngi ba-ar, ula buh ia u mawnongrim ban tei ia ka Ophis ba thymmai jong ka Chokpot C&RD Block bad ia ka Building jong ka Degree College ha Chokpot, South Garo Hills.
In our effort to bring governance closer to the people, we laid foundation for the construction of Chokpot C&RD Block Office. This will ensure schemes are implemented in a timely manner for the development of the area @girirajsinghbjp pic.twitter.com/pskQyfw3bS
— Conrad Sangma (@SangmaConrad) January 10, 2023
Laid foundation for the new building of the Chokpot Degree College in South Garo Hills
It is our Govt’s mandate to improve educational infrastructure across Meghalaya, to contribute to the all-round growth of our children & ensure a bright future for the State@dpradhanbjp pic.twitter.com/v21KOQPWt1
— Conrad Sangma (@SangmaConrad) January 10, 2023
Ia ka Ophis ka Chokpot C&RD Block yn tei ha ka jingmang pisa ba kot T. 2 klur katba ka jingtei ia ka Building jong ka Degree College kan kot haduh T. 2.81 klur ia kaba la bei pisa da ka NEC.
Haba kren ha ka jingialang, u Myntri Rangbah ula ong ba ka jingtei pynheh ia ki jingtei/Ophis kan pynmyntoi bha ia ka jingim jong ki paidbah ka thain Chokpot.
“Ngi kmen shibun ban lah pynurlong ia ka jingkular ba ngi la ai sha ki paidbah ka Chokpot. Kane ka Ophis ba thymmai kan pynthikna ba ki jingshakri ka Sorkar kin long kiba janai bad ka ban pyndep ha ka por kaba biang” ula ong.
U Conrad u pyntip ba ka Sorkar kala dep buh ia ka mang pisa na ka bynta ban tei ia ki Ophis thymmai jong kiwei kiwei ki C&RD Block kiba don ha kylleng ka Jylla.
Haba kren bniah bha halor ka jinglong jingman ka pule ka dangle ha ka thain Chokpot, u Myntri Rangbah ula ong ba kane ka Building ba thymmai jong ka College kan kyntiew bha ia ka rukom ai jinghikai hapoh ka thain.
“Ngi sngewthuh ia ka jingeh jong ki samla pule ka thain Chokpot namar ka jingbym don ki jaka pule jong ki Higher Education. Ka Sorkar kala shim ia ki sienjam ban pynthikna ba ki samla pule kin nym duh ia ka lad ban leit pule ia ki kyrdan kiba kham shajrong” ula ong.
Ha kane ka sngi, u Myntri Rangbah ula shim ruh ia ka kabu ban pynsngewthuh ia ki paidbah halor ki flagship programme jong ka Sorkar ba kynthup ia ka FOCUS bad FOCUS+. Ula kren ruh ia ki lad ki kabu kiba bun iakiba ki paidbah ki lah ban ioh lyngba ka YESS bad ka PROGRESS Programme jong ka Sorkar.
53832 beneficiaries across Meghalaya received the benefits of FOCUS+ program amounting to ₹26.91 Crores by the click of a button at Chokpot today.
FOCUS + Cards were also handed to 3,329 beneficiaries of Chokpot amounting to ₹1.66 Cr. @nstomar @AgriGoI pic.twitter.com/FRy9NNbe1S
— Conrad Sangma (@SangmaConrad) January 10, 2023
U Myntri Rangbah ula phah ruh ia ka song pisa ba T. 26.91 klur lyngba ka Direct Benefit Transfer (DBT) sha ki account jong ki 53832 ngut ki nongioh ia ka skhim FOCUS+ ha Chokpot.
