spot_img

Buh mawnongrim u Bah Sanbor ban tei ia ki projek kiba kot T.16 Klur ha South Shillong Constituency

Date:

Share post:

Shillong, Naitung 20: U MLA ka South Shillong Constituency u Bah Sanbor Shullai hynne ka sngi ula buh ia u mawnongrim ban sdang ia ki projek bapher hapoh ka Constituency ha ka jinglut jingsep kaba kot T.16,02,83,796.

Ia kine ki projek la buh mawnongrim da u Bah Sanbor Shullai haka jingialang kaba la long ha Assam Club, Laban ha kaba la iadonalng ki heh jong ka tand PWD, ki nongialam shnong bad kiwei kiwei.

Ki projek bad ki skhim pynroi ki kynthup, ka jingshna bad pynroi ia ka Cultural Complex jong ka Seng Khasi Raid Laban ha Lumshatsngi, Upper Kench Trace ha ka jinglut kaba T.10 klur ba la bei tyngka da ka NEC, ban shna da ka surok na ka jaka sah ka Kong (L) Broming Marbaniang kaba pyniasoh sha Wah Shyngiar haduh ïing sah jong u Bah D.J Wankhar Lumdorbar ha ka jinglut kaba T.3,03,08,000 kaba la bei tyngka da ka PWD.

Buh mawnongrim u Bah Sanbor ban tei ia ki projek kiba kot T.16 Klur ha South Shillong Constituency

Nalor kane, ban shna ïa ka surok naduh Wah Shyngiar haduh ïing sah jong u Bah James Ryndem ba la bei tyngka da ka PWD ha ka jinglut kaba T.1,38,63,000, ka jingshna jong ka nala bad ka jingtap najrong na Lumdorbar haduh ka jaka sah jong ka Kong Hasina Thabah ha ka jinglut kaba T.91,61,000 ba la bei tyngka da ka PWD. Ka jingshna ia ka surok naduh ka surok PWD kaba la don lypa haduh Oxford Hill, Kench’s ha ka jinglut ba T.19,14,000 ba la bei tyngka da ka PWD, ka jingshna ia ka surok iaid kali naduh na ka Footpath Junction kaba leit sha surok PWD ha Riat Laban ha ka jinglut kaba T.22,52,248 ba la bei tyngka da ka tnad pynroi sor bad ka jingshna biang ia ka lynti iaid kjat paidbah bad ki nala ha Riat Laban ha Block B ha ka jinglut kaba T.27,85,548 ba la bei tyngka da ka tnat pynroi ka Sorkar Jylla.

U Bah Sanbor u la ong “Ka long kaba suk ban dawa ia ki projek bad ki skhim hynrei ka long kaba eh bha ban ioh ia ka pisa ban pyntrei ia ki skhim bad ki project bapher. Na ka bynta ki skhim bapher jong ka sorkar pdeng, kum u MLA nga la leit sha Delhi ban kyrpad iaki myntri ka sorkar pdeng ban pyllait noh ia ka pisa ba la thmu na ka bynta ka constituency bad kumjuh ruh na ka bynta ki skhim sorkar jylla, nga leit iakynduh ia u myntri rangbah ka jylla ban kyrpad ban pyllait noh ia ka pisa”.

U MLA ka BJP ula ai khublei bad pynpaw ia ka jingsngewnguh ïa baroh ki heh jong ki tnad sorkar kiba la shimkhia ban pynbit pynbiang ïa ki Detail Project Report (DPR) na ka bynta kitei ki skhim bad ki projek ki ban pyntreikam hapoh jong ka South Shillong constituency na ka bynta ka bit ka biang jong u paidbah ka thaiñ.

Share post:

spot_img
spot_img

Popular

More like this
Related

Pynduna ia ki jingpynlut ki bym don jingmut, ong u DyCM ia ki District Council

Shillong, Nailar 02 : U Symbud Myntri Rangbah Bah...

Bthah ka Sorkar ban tohkit halor ka jingjah klep u dewiong ba palat 4000 metric ton na Jylla

Shillong, Nailar 2: Ka Sorkar Jylla kala bthah ban...

Angnud u Bah Prestone ba baroh 60 ngut ki MLA ka Jylla kin dei ki dkhot ka NPP

Shillong Nailar 01: U President ka National People's Party...

Ka Sorkar Pdeng kadei ban jubab shai kdar, la kan ai ne ym ai ILP ia ka jylla, ong u Bah Prestone

Shillong Nailar 01: U Symbud Myntri Rangbah ka Jylla...