Shillong, Nailur 05 : U Myntri Sorkar bad Working President ka UDP Bah Paul Lyngdoh ha ka sngi Ba-ar, ula buh jingkylli ia ka sienjam jong ka Sorkar Pdeng ban pyntreikam ia ka ‘One Nation, One Election’ (Kawei ka Ri kawei ka elekshon) haba ka Ri ha ka jingshisha ka dang donkam khambun ia ka jingpyn iapher ia ka por (time zone).
Haba iakren bad ki nongthoh khubor, u Bah Paul ula ong ba un dang ban pule bniah ia ka jingktah jong kum kane ka plan na ka liang jong ka Sorkar.
“Hynrei nga sngew ba ha ka ri kaba iakhleh kum ka India, kum ka nuksa, ka Ri kaba la iakhleh ha kaba ngi dang donkam khambun ia ka jingpyniapher ia ka port e kumno phi lah ban iakren halor ka “One Nation, One Election” ong u Bah Paul.
“Kiwei ki bynta jong ka Ri ki sdang ban iatreikam kham slem haba ianujor bad ngi namar ka Sngi ka mih kham kloi hangne. Ka Ri United States ka dei kawei kaa Ri hynrei ka don haduh 4 tylli ki jingpyniapher ia ka por (time zone), namar kata nga sngew ba kane kala jubab ia shibun kiei kiei” ula bynrap.
Haba kylli, u Bah Paul ula ong “ Ka long kaba eh bha. Ha ka jingshisha ngi la iai ong ba ngi ngeit ha ka jingialong kawei jong baroh ki nongshongshnong bad ai ba kan iai neh kumba ka long”.
