Shillong, Nailur 22 : Ka Hynniewtrep Achik National Movement (HANM)-South West Khasi Hills District, kala buh dak jingkylli ia ki Nongmihkhmat ka Jylla halor ka jingsngap jar jar ia ka jingkiew dor ki mar ki mata khamtam ki marbam, kaba la ktah shikatdei eh ia ki nongshongshnong ka Jylla.
“Ka HANM-SWKH ka sngewsih jur bha ba ki marbam mardih hapoh ka Jylla kila kiew dor shaba palat bad ka jingkiew dor ruh ka dei kaba manla ka sngi ha ki Iew ki Hat” ong u samla Lambokstar Marwein, President ha ka kyrwoh.
Kat kum ka jingong jong u, kane ka jingkiew dor kala ktah jur bha ia ki longiing baduk basuk bad ia ki khun swet khun rangli bad ia ki bym biang ka bylla ka sngi.
“U khaw ha u snem bala dep u poi T.1200-T.1300 mynta u poi T.1700 lane T. 1850 shi byrni, ka Umphniang ha u snem bala lah ka poi T.90 shiliter mynta ka por T. 120 shi liter. Kiwei kiwei ki mar ruh ki long kumjuh” ula ong.
Une u Nongialam ka HANM ula buh jingkylli ia ki Nongmihkhmat kiba sngap jar jar halor kane ka jingkiewdor bad phai lyndet ia ki khmat na ki jingeh ki paidbah.
Namar kane, ula kyntu ia ki Nongmihkhmat ba kin don lem ka mynsiem sngewsynei da kaba phaikhmat lem sha ki duk ki suk ki rangli ki juki namar kane ka kam kaba ktah ia man ki thliew iing hapoh ka Jylla.
Pule lang ia kane: Leit ai khublei ki MP Kynthei ia u PM ba mynjur ia ka Women’s Reservation Bill
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
