Shillong, Iaiong 11 : U Deputy Commissioner ka East Garo Hills Vibhor Aggarwal, ula pynmih ia ka hukum ba bthah ia baroh ki nongtrei Sorkar kynthup ki nonghikai skul deficit bad adhoc ba kin wan aiti noh iala ki jong ki ration card na ka bynta ka AAY bad PHH hapoh ka National Food Security Act, 2013, hapoh ka 30 tarik Iaiong.
Kane ka hukum, ka ong ba kane ka jingwan aiti ia ki ration card kiba bat da ki nongtrei Sorkar kynthup ki nonghikai skul deficit bad adhoc kan plie lynti ia ki longiing kiba duk shisha, ki nongbylla, ki briew ba don jingduna dkhot met bad kiwei kiwei, ba kin ioh ia ki jingmyntoi naka skhim NFSA, 2023.
Nalor kane, kane ka hukum kala ong ruh ba ia ka thup jong ki nongtrei Sorkar kiba bat ia ki ration card la nang lum thup mynta bad yn sa leh eiei ia ki kat kum ki kyndon ka ain lada kim wan ban aiti noh hapoh ka por kaba la buh.
