Shillong, Jymmang 6: Ka sorkar India lyngba ka Ministry of Home Affairs (MHA), kala bthah ia baroh ki jylla ba kin pynlong ia ka mock war drills ne ka jingpynkhreh ia ka thma ha ka 7 tarik u Jymmang.
Katkum ka jingpynbna paidbah jong ka MHA, ia kane ka mock drill yn pynlong ha jylla Meghalaya ha ki lai tylli ki jaka ba kynthup ha Shillong jong ka East Khasi Hills, Jowai ha West Jaintia Hills bad Tura ha West Garo Hills.
Ha kane ka drill yn buh naduh ki Control Room bad ka Shadow Control Room, bad kumjuh ruh ban pyndonkam ia ka air raid sirens ban pynsngewthuh paidbah haba don ka thma bad ka jingthmu ba kongsan jong kane ka long ban ai jingtip ia ki paidbah, ba kynthup naduh ki khynnah skul ba kumno kin iada ia lade na kum kine ki jingshah thombor.
Ka jingbthah ka kynthup ruh ban pynlong ia ka blackouts nalor kiwei pat ba kumno kin hikai ban pyllait im haba don ki jingjia ba long kyndit kyndit ne kaba jia ryngkhat.
Kane ka jingbthah kala wan hadien ka jing hiar thma ki lehnoh ka pakistan ha Pahalgam ha kaba 26 ki briew kila iap.
, kala bthah ia baroh ki jylla ba kin pynlong ia ka mock war drills ne ka jingpynkhreh ia ka thma ha ka 7 tarik u Jymmang.){kind=link}