Shillong, Naiwieng 29 : U Symbud Myntri Rangbah ka jylla bah Prestone Tynsong ha ka sngi Thohdieng, u la pyntip ba u la dep bthah ia u SP ka East Khasi Hills ban pynjur iaka jingpahara hapoh ka District khamtam ha Nongbah Shillong, na ka daw ka jingjynrei palat ki kam tuh kam thiem, jingprong iing ha kine ki khyndiat sngi bala dep.
Haba kren bad ki lad pathai khubor, u Bah Prestone u la iathuh ba kumba long mynta, ka la don ka jingsyier jong ki paidbah la ka long ha ka por mynsngi ne mynsngi na ka daw ka jingbun palat ki nongdih drok.
“ Nga la dep ban thah ia u SP ka East Khasi Hills bad SP ka Shillong City ba kin pynkhlain bha ia ka jingpahara ha kylleng ki bynta jong ka nongbah Shillong khnang ba ki paidbah kiba leit ba wan bad khamtam mynta ba la jan ka aiom leh kmen, ba kin don ha ka jingshngain” ula ong.
Kane ka jingbthah kala mih namar ki jingjia shah tuh shah lute, shah prong tuh ki iing ki sem bad ruh ki iing mane ia kaba la suba donkti da ki briew kiba kyrni bad ngop ha u drok kiba ym don shuh ka jingsalia tang ban ioh pynjah thynrang ia ka jingkwah drok.
