Shillong, Lber 26 : Ka bor district ka East Khasi Hills kala bthah ia baroh ki Coaching Centre ba pyniaid ki riew shimet hapoh ka District-kynthup ka Offline bad Online- ba kin register hapoh ka Tnad Pule Puthi kat kum ka Meghalaya Registration of Private Coaching Centre Rules, 2026 bala pynbna paidbah.
Ka hukum, bala pynmih da ka Deputy Commissioner Kong RM Kurbah ha ka 25 tarik Lber, ka dei ka jingpyntreikam ia ka jingpynbna jong ka Sorkar ba 12 tarik Lber, ba pynlong kongsan ban register bad buh ia ki kyndon jingiada ia ki khynnah pule ryngkat ki lad ban pynbeit ia ki jingeh.
Ka kyrwoh ka onng ba ia ka rules “la thaw haba pyntreikam ia ka hukum jong ka Iingkashari Supreme Court ha ka mukotduma SLP (Crl) No(s).6378 of 2024 titled Sukdeb Saha v. The State of Andhra Pradesh & Ors. Bala pynmih ha ka 25 tarik Naitung, 2025”.
“Kat kum ka hukum, ka Sorkar Jylla kala bthah ban register ia baroh ki Private Coaching Centre bad ban pyntreikam ia ki kyndon ai jingiada ia ki khynnah pule ryngkat bad ki lad ban pynbeit ia ki jingeh jong ki” kala ong.
Ka Deputy Commissioner kala kyntu ia baroh ki Coaching Centre ba don ha East Khasi Hills ba kin register noh kat kum ki kyndon jong ka Rules.
