Shillong, Risaw 24: Ka Khasi Hills Autonomous District Council (KHADC) kala bthah ia ki Kur Khasi lane ki Seng Kur kiba don hapoh ka Ri-lum Khasi ba ki dei ban wan Register lane ban pynithuh noh ialade shaka Khasi Hills Autonomous District Council (KHADC) khnang ba kin ioh ia ka jingithuh da ka Ain.
Kane ka dei hadien ba u Lat ka Jylla u la ai jingmynjur iaka Khasi Hills Autonomous District (Khasi Social Custom of Lineage) Amement Bill, 2023 kaba la long ain mynta.
Ha kane ka Khasi Hills Autonomous (Khasi Social Custom of Lineage) Amement Bill, 2023, ka KHADC kala pynrung lang iaka Clan Administration naka bynta ban ai jingithuh iaki Kur kiba don hapoh ka Ri-lum Khasi.
Haba kren sha ki lad pathai khubo,r u CEM ka KHADC Bah Pyniaid Sing Syiem u la iathuh “Katkum ka Khasi Hills Autonomous District (Khasi Social Custom of Lineage) Amement Bill, 2023, ki Kur bapher bapher ki hap don iala ka jong ka Committee treikam, ki hap ban soi (Sign) iaka Resolution haka Kur, phi jied nongkitkam iano bad ia kito ki nongkitkam bala jied daki Kur, donkam ban phah daka shithi (Letter Head) shaka KHADC ban ioh jingithuh” ong u Bah Pyniaid.
U pyntip ba kat kum ka jinglum jingkhein jong ka Council, ki don palat 3000 tylli ki Kur bad naka liang ka District Council ruh ka dang ap iaka kaiphod bap hah wad bniah (Research) ban ioh ia ka jingkhein kaba thikna.
Haba bynrap, u Deputy CEM u Bah PN Syiem u la iathuh ba ha ka Khasi Hills Autonomous District (Khasi Social Custom of Lineage) Amement Bill, 2023, ki don ki kyndon ban ithuh ia u Rangbah Kur bad kane kan khanglad iaki riew shim kabu ban shu kam Rangbah Kur da lade (Self Style).
“Ki don ki bym dei Khasi ki ai jait katba kiba mon hynrei mynta tang ka Dorbar Kur bala ioh jingithuh daka ain bad tang u Rangbah Kur uba la ai ioh ka jingithuh naka KHADC, u ba lah ban ai syrnot lane Clan Certificate” ong u Bah PN Syiem.
Ula iathuh baka KHADC ka don kala don ia Clan Certificate bad ruh ka Tribe Certificate kiba dei ki kot kiba donkam bha n aka bynta ban leh ia ka Scheduled Tribes Certificate naka ophis Deputy Commissioner (DC).
“Baroh shi kata ngi ai Tribe Certificate hangne (KHADC), teng teng u Sign u Rangbah Kur u ba dei (Self Style), u bym don kano kano ka jingjied daka Kur baroh kawei hynrei mynta hangne ngim lah lait shuh, ba kan hap jied daka Kur ia u Rangbah Kur bad ka hap phah shaka KHADC ban ai jingithuh khnang baka jingai syrnod (Clan Certificate) iano iano, la kadei iaki ba Tang Jait ne kiba shong kha khleh, kan hap iaid daka lynti kaba dei” u la ong.
 kala bthah ia ki Kur Khasi lane ki Seng Kur kiba don hapoh ka Ri-lum Khasi ba ki dei ban wan Register lane ban pynithuh noh ialade shaka Khasi Hills Autonomous District Council (KHADC) khnang ba kin ioh ia ka jingithuh da ka Ain.){kind=link}