Shillong, Naiwieng 04 : Ka Committee u Justice (Retd) BP Katakey, kala ai jingmut ban ujor ejahar pyrshah ia 21 ngut ki brew kiba kam thoh ba tih dewiong ha West Khasi Hills District.
Ka jingtohkit ka Committee kala shem ba 22 ngut ki nongthep aplikeshon (na West Khasi Hills) kila kam ba tih dewiong hynrei ha ka jingpynshisha la shem ba kim don dewiong satia. Tang ka jingkam jong u nongthep aplikeshon la lap ba ka dei kaba shisha.
Ka Committee kala bthah ia ki bor khmih ba kin leh eiei hapoh ka kyndon jong ka MMDR Act, 1957 pyrshah ia 5946 MT u dewiong bala lap haba iadei bad ka aplikeshon bala thep da u Bah C Dkhar bad ki 21 ngut ki briew.
“Ka Committee ka ai jingmut ban ujor ejahar mardor pyrshah ia ki 21 ngut ki briew, napdeng ki 22 ngut, kiba la thep aplikeshon ba 28/05/2024 bad kam ba kila tih ia u dewiong hynrei haba leit pynshisha ym shim la lap satia ia u dewiong” ong u Committee ha ka interim report ba 33 bala aiti sha ka Iingkashari Meghalaya High Court.
Ka Committee kala ai jingmut ruh ban leh eiei pyrshah ia ki nongthep aplikeshon kiba kam ba khlem kynthup lang ia u dewiong jong ki ha ka jingleh survey bala pynlong da ka M/S Garuda UAV, namar ym shym la lap satia ia u dewiong jong ki ha ka jingleit pynshisha.
La bthah ia ka Sorkar ba kan leh ia kaba donkam bad ban aiti ia ka kaiphod ba pyni ia kaei kaba ka leh halor ki jingai jingmut.
Haba iadei bad ka jingkam ki 37 ngut ki nongthep aplikeshon na East Jaintia Hills, ba 19/07/2024, ka Committee ka pyntip ba la rai ban pynlong biang ia ka aerial survey ba thymmai, ka ban dang pyndep.
 BP Katakey, kala ai jingmut ban ujor ejahar pyrshah ia 21 ngut ki brew kiba kam thoh ba tih dewiong ha West Khasi Hills District.){kind=link}