Shillong, Lber 28 : Ka Iingkashari Meghalaya High Court hynne ka sngi Ba-ar kala bthah ia ka Sorkar Jylla ba kan pyrshang ha kaban ithuh ia ki katto katne ki jaka na ka bynta ka project Greenfield Airport.
“Namar ka Jylla kala pynpaw ba ka kwah ban don noh la ka jong ka Kadliengsuin ba biang nadong hadong, ka Jylla, ha ryngkat ka jingiasyllok bad ka AAI lane ki Ophisar ba don ha Umroi Airport, ka dei ban pyrshang ha kaban ithuh ia ki katto katne ki jaka bad hadien, ka lah ban khot ia ka AAI ban ai jingmut la kine ki jaka ki iahap ne em ban buh ia ka Greenfield Airport” ong ka Division Bench ha ka hukum, haba shong bishar ia ka PIL jong kane ka kam.
“Kan shong satang hadien ka jingsngewhun ba kawei na kine ki jaka bala ithuh ka dei kaba biang, ka Jylla ka lah ban shim ia ka sienjam ban thied ia ka jaka. Ia kane ka kam dei ban da leh janai bha ban kiar na ki agent die jaka kiba lah ban pynkiew dor ia ka jaka” kala bynrap.
Ka Iingkashari kala ong ruh ba lada ka Sorkar Jylla bad ka Sorkar Pdeng kim treh ban buh ia ka kad liengsuin ba thymmai, kane kam dei satia ka kam kaba ka Iingkashari ka lah ban tuklar ne kan shu pynbor.
Ka Kashari kala buh ban bishar biang ia kane ka kam ha ka 9 tarik Jymmang.
Pule lang ia kane: Hukum ka Kashari POCSO ban set along 35 snem ia u Nongleh beijot
