Shillong, Naitung 22 : Ka Iingkashari Meghalaya High Court kala bthah ia ka Sorkar Jylla, ka Sorkar Pdeng bad u nongmudui ba kin ai ia ka affidavit ba lyngkot ha ka mukotduma Public Interest Litigation (PIL) ba iadei bad ka jingiada bad kyntiew ia ka hok ki rit paid ha ka ktien ka thylliej ba ki kren hapoh ka thain.
Ia kane ka mukotduma la mudui da ka Meghalaya Linguistic Minority Development Forum, kaba kyrpad ha ka ban bthah ban pyntreikam ia ka Article 350 B jong ka Riti Synshar ka Ri. Ka Article ka kren halor ka jingiada bad kyntiew ia ka hok ki rit paidbah ha ka ktien ka thylliej ba ki kren.
“U nongmudui, ka Sorkar Jylla bad ka Sorkar Pdeng, la bthah ba kin ai ia ka affidavit ba lyngkot kaba pynpaw ba haduh katno kane ka Iingkashari ka don ia ka hok ban pdiang, bishar bad shim rai ia kane ka PIL, haba khmih ia ka Writ Petition(Civil) No. 836 of 2020: Ashwini Kumar Upadhyay v. Union of India ba dang sahteng ha Iingkashari Supreme Court. Ia ki affidavit dei ban ai hashuwa ka sngi shong bishar ban wan” ong ka Division Bench u Chief Justice IP Mukerji bad Justice W Diengdoh ha ka hukum ba pynmih ha ka sngi Ba-ar.
Ia kane ka mukotduma la buh thup ban sa shong bishar biang ha ka 12 tarik Nailar hadien bala aiti ia ki affidavit.
 ba iadei bad ka jingiada bad kyntiew ia ka hok ki rit paid ha ka ktien ka thylliej ba ki kren hapoh ka thain.){kind=link}