Shillong Naitung 22: Ka Meghalaya High Court kala bthah ia ka Sorkar Jylla ba kan thaw ia ka Animal Birth Control (ABC) Committee na ka bynta ka South Garo Hills bad West Jaintia Hills District.
Ka jingbthah jong ka iingbishar ka dei hadien ba kala don ka jingmudui Public Interest Litigation (PIL) ba pynpaw ia ka jingsngewkhia bad jingdonkam ban pyrkhing bad ban khmih ia ki ksew surok hapoh ka jylla.
Ia kane ka PIL la mudui da u Kaustav Paul bad ka iingbishar kala khmih bniah ia ka rukom shimkhia jong ka jylla ha kaban khmih bniah ia kane ka mat kaba iadei bad ki ksew surok.
Ka sorkar jylla kala pyntip ia ka iingbishar ba kala thaw ia ki ABC Committee ha bun tylli ki district hynrei kaba sah kadei sa tang ia ka South Garo Hills bad West Jaintia Hills ia kaba kam pat don ia katei ka committee.
Ka iingbishar kala bthah ia ka sorkar jylla ban aiti ia ka kaiphod treikam kynthup ia ka jingthaw ia ki committee na ka bynta kitei ki artylli ki district ha ka 6 tarik u Nailar 2025.
“Ngi bthah ban shong bishar biang ia kane ka Public Interest Litigation ha ka 6 tarik u Nailar 2025 ban ioh pdiang ia ka kaiphod halor ki sienjam kiba la shim, kynthup ia ka jingthaw ia ki committee ha kitei ki ar tylli ki district kiba la kdew” la ong ka Division Bench kaba kynthup ia u Chief Justice IP Mukerji bad u Justice W Diengdoh ha ka hukum kaba la pynmih hynne ka sngi Baar.
Ka jingthmu ban shimkhia hapoh jongka Prevention of Cruelty to Animals Act, 1960 bad Animal Birth Control (Dogs) Rules, 2001 ka long ban iada bad ban tehlakam ia ka jingeh kaba pynmih da ki ksew lamwir da kaba kem, khmih bad ai dawai tika, ka dawai ban ym kha khun ksew bad ban sumar ia ki hapoh ki
Dog Centre.
La khmih lynti ba ka ABC committee kan leh ia ka bynta kaba kongsan ha kaban khmih ia ki jingdon bun jongki ksew lamwir bad ban iada ia ka jingthombor ia ki mrad.
 Committee na ka bynta ka South Garo Hills bad West Jaintia Hills District.){kind=link}