Shillong, Naitung 13: Ka Iingkashari Meghalaya High Court hynne ka sngi balang kala bthah ia ka Sorkar Jylla ban file affidavit hapoh ka lai taiew ba kdew halor ka sienjam ba kala shim ban pynjanai ia ki jaka ai jingsumar hapoh ka Jylla.
Ha ka hukum bala pynmih haba bishar ia ka PIL, ka Kashari ki arngut ki Nongbishar kala ong “Ia ka affidavit dei ban file hapoh ka taiew naduh ba pynmih ia ka hukum”.
Kane kala mih hadien ba ka Sorkar kala pyntip kan sa file ia ka affidavit ban pyntip ia ki sienjam bala shim ha kine ki khyndiat bnai bala leit noh.
Ka Iingkashari kala kdew ruh ba kala don ka jingkiew ha kiba bun ki bynta ha ka liang ka lad ai jingsumar happh ka Jylla kynthup ka jingseng ia ka Speciality Hospital bad kiwei ki jaka sumar. Kala buh ban bishar biang ia kane ka kam ha ka 4 tarik Nailar.
