Pynbna u CM ban buh ia ka PIRF jong ka Tnad Meghalaya Police

By
Ka Shlem
-
0
20

Shillong, Naitung 13: U Myntri Rangbah ka Jylla Conrad Kongkal Sangma hynne ka sngi balang, ula pynbna ia ka rai jong ka Sorkar Jylla ban buh ia ka Police Infrastructure Revovation Fund (PIRF) ban pynbha ia ki jingdon jingem jong ka Tnad Pulit.

Hadien ba pyniaid ia ka jingialang ki Superintendent of Police bad Commandant, u Conrad ula ong ba lyngba kane ka PIRF, ka sorkar kala rai ban ai ia ka direct funding sha ki District Rural Development Agency (DRDA) ki ban sa iatrei ryngkat ryngkat bad ki Ophis ki Superintendent of Police bad Battalion ban pynbha ia ki Police station ha ka Jylla.

U Myntri Rangbah ula pyntup ba ka Sorkar kan sa mang tyngka ruh n aka bynta ban shna ia ki Ophis jong ki SP ha ki District ki bym pat don la ka jong ka Ophis u SP.

“Ngi la rai ban ai kali thymmai sha baroh ki 76 tylli ki thanad pulit ha ryngkat ki kot computer bad ki tiar IT. Kane ka dei namar ba ki Pulit ruh ki iadon bynta ha kiba bun ki kam bad kumjuh ruh ki kam ba donkam kyrkieh ia ka jingshakri jong ki” ong u Conrad.

U Conrad u pyntip ba ka Sorkar kan sa air uh ia ki crane bad ki ambulance sha ki District kiba jur ka jingdheng kali bad ba jur ki jingjia aksiden khnang ban pynthikna ba ki Pulit kin shakri bha ia ki paidbah.

Nalor kane, u Conrad ula pynbna ruh ban ai haduh 60 tylli ki thuk thuk sha ki Pulit ba kin iaid sharum shaneng ha kaban pyniaid ia ki kali ha kylleng ki jaka ban lait na ka jingdheng.

U Conrad ula pyntip ruh baka Sorkar kan sa pyntei noh ia ki Iingsah ne Housing Complex jong ki Pulit Constable, SI, DSB ha man ki District ka ban iaid da ka kylla kylla.

Ha kajuh ka por, ka Sorkar Jylla kala rai ruh ban wanrah noh ia ka CM Police Medal Award bad ka CM Disaster Resonse Medal ban pynkup burom ia ki Pulit halor ka jingshakri jong ki sha ki paidbah ka Jylla.