Shillong, Naitung 01: Namar baka lyiur kala wanrah ia u slap uba jur hapoh ka jylla Meghalaya, kala pynlong ia ki Wah ba kin heh bad haba iohi ia ki jingjia ngam jyllop ki briew ha South Garo Hills bad kiwei kiwei ki thain, ki bor District ka East Khasi Hills kala pynmih ia ka jingbthah ia ki paidbah ba kin husiar bha ialade haba leit shajan jong ki wah.
Ha kane ka jingbthah, u Superintendent of Police (SP) ka East Garo ula pyntip ba ka thain ka ju sakhi ia ka jingngam jyllop ki briew ha kane ka aiom lyuir bad dei namar kane la bthah ba ki paidbah ki dei ban kiar ban leit shangkai sha ki wah, ki wah duid, ki kshaid.
La kyntu ba dei ban kiar ban leit jngi, leit shong lieng bad dei ruh ban kiar ban pynlong kino kino ki jingialehkai haki wah kum ha kane ka por baka jyla ka dang sakhi iaka jingjur slap, lyer bad eriong.
La kyntu ba ym dei ban shah iaki khynnah, ki briew ba don jingpang ban leit shang marwei sha ki jaka wah bad la bthah ruh iaki paidbah ban long kiba peitngor iaki jingpyntip naki bor sorkar haba iadei bad ka jinglong jingman ka suin bneng.
Haba iadei bad ki kam kyrkieh, ki paidbah ki lah ban phone ha u Nomber 100/112 bad Police Control Room @ 8794765696, 6009841060.
Pule ruh: Pynbna ka BAM ban sdang die doh masi biang naduh ka 3 tarik Naitung
