Guwahati, Risaw 17 : Ha kawei na ki jingjia kaba i triem, ki nongshong shnong hapoh kawei ka shnong kaba hap hapoh Golaghat district kila bom iap ia uwei u khla thapsim (leopard) uba la wan poi na ki jaka khlaw ba marjan.
Ki khubor ki iathuh ba une u khla ula shah pyniap noh ha ki paidbah kiba la pyndonkam da ki wait, ki sdie bad kiwei pat ki tiar pynmynsaw.
Une u khla ula wan poi hapoh ka shnong Dusutimukh kaba hap hapoh Khumtai constituency ha Golaghat hadien ba ula shah bom iap ha ki paidbah.
Ki trai shnong kila kam ba une u khla ula wan pynher syrngiew ia ki nongshong shnong jong ka shnong.Hadien ia ka metiap jong une u khlaw la wan shimti noh da ki heh ka tnat forest.
Nalor kata na ka liang ki nongshong shnong kila ong ba kine ki paidbah kila thombor ia une u khla hadien ba ula pynmynsaw ia kumba laingut ki briew hapoh kane ka shnong.
Kine ki briew kiba la shah pynmynsaw ha une u khla la ong ba kila don mynta hapdeng ka jingshah sumar, katba na ka liang ka tnat ba dei khmih kala iaid shakhmat ban pynlong ia ka jingtohkit halor kane ka jingjia.
