-->

Bei tyngka ka Tnad Tourism ia ka KHADC ban pynlong ia ka Monolith Festival ha u Nohprah

Date:

Share post:

Shillong Nailur 21: Katba ka jingpynkhreh ia ka Monolith Festival ka dang iaid shakhmat, ka Khasi Hills Autonomous District Council (KHADC), kala pynbna ba ia ka jinglut jingsep yn bei da ka sorkar jylla lyngba ka Tnad Tourism.

Ia ka Monolith Festival la buh tarik ban pynlong haka naduh ka 4 – 9 tarik u Nohprah ha Heritage Village kaba don ha Mawphlang, East Khasi Hills.

Haba iakren bad ki nongpathai khubor u Deputy Chief Executive Member ka KHADC u Bah PN Syiem ula ong ba ka jingpynkhreh ia ka Monolith Festival ka dang iaid shakhmat bad ia baroh ki jinglut jingsep yn bei da ka sorkar jylla lyngba ka tnad Tourism. Ka jingthmu jong kane ka long ban kyntiew iaka kam jngohkai haka jylla.

U Bah Syiem ula pynpaw ba ka sorkar ia mynta ka dang khein dang diah ia ka jinglut jingsep ban pynlong ia katei ka Festival, hynrei ka Council kala dep ban bhah ₹10 lak na ka bynta katei ka tamasa.

Ka KHADC ha ki snem kiba la leit kala pynlong arsien ia katei ka Monolith Festival ha u snem 2011 bad 2016.

Watla kala don ka jingpyrshang jong ki Executive Committee jongka Council ban pynkhie im biang ia katei ka tamasa, hynrei kim shym la lah ban pynurlong.

Hynrei mynta u snem, yn pynlong biang iaka Monolith Festival ha kaba la khmih lynti ba kan long kaba heh bad kaba kynsai ban ia ka tamasa kaba la pynlong mynshwa.

Share post:

-->
spot_img

Popular

More like this
Related

Aiti ka KHADC ia ka Wah U Tim View Point sha ka Hima Mawlong

Shillong, Risaw 23 : Ka Khasi Hills Autonomous District...

Pynsangeh ka MHA ia ka jingthmu thied jaka ia ki BSF ha SWKH

Shillong, Risaw 23 : U Executive Member ka KHADC...

Assam | Pyntip u CM ban wanrah ia ka Bill ba khang ri lok bun ngut ha Iingdorbar Thaw Ain

Guwahati, Risaw 23: U Myntri Rangbah ka jylla Assam...

Hap shong dum 6 kynta ka EWKH bad WKH ha ka 25 tarik

Nongstoiñ, Risaw 23: Ka Meghalaya Power Distribution Corporation Limited...