Shillong, Iaiong 20 : Ka Liang Pyrshah Voice of the People Party (VPP) ha ka sngi Saitjain, kala beh seng ia u dkhot jong ka State Executive Committee namar ki jingkren kiba long pyrshah ia ka party.
U Bah Avner Medon Pariat, uba dei u kyrtong ka VPP pyrshah ia ka MLA ka East Shillong bad Myntri Sorkar Kong Ampareen Lyngdoh ha ka elekshon 2023, ula shah kynnoh ba u kren pyrshah ia ka party ha ki rynsan social media bad iaroh ia kawei pat ka party.
“Kumba bthah da ka State Executivie Committee, ngi kiba soi harum, ngi kwah ban pyntip sha phi, ba ka Soekar kala shimkhia bha ia ka jingkynthoh jong phi pyrshah ia ka party ban iaroh kawei pat ha ki rynsan social media, ka bym iahap satia ia u dkhot jong ka State Executive Committee” ong u Chairman ka VPP Disciplinary Committee Dr Kara H Shen ha ka shithi beh seng ia u Bah Pariat.
“Kane ka kam ba phi la leh kala buh ia ngi ha ka jingkutlad bad ngi hap ban beh noh ia phi na ka party” ong u Dr Shen.
 ha ka sngi Saitjain, kala beh seng ia u dkhot jong ka State Executive Committee namar ki jingkren kiba long pyrshah ia ka party.){kind=link}