Shillong, Nailur 26: Ka Meghalaya Cricket Association (MCA) ka la pynbna mynta ka sngi ia ki kyrteng ki thei ialehkai ba 15 ngut ki jong ka, kiban mihkhmat ia ka jylla sha ka BCCI’s U-19 Women’s T20 Trophy plate group kaban sdang naduh u bnai u ban wan ha Lucknow.
Kane ka lympung kan sdang naduh ka 26 tarik u bnai Risaw u ban wan bad ha kane ka kynti ia ka Meghalaya la pyniakap lang ia ka bad kiwei pat ki jylla ka thain shatei lam mihngi kum ka Mizoram, Nagaland, Sikkim, Arunachal Pradesh bad Manipur, ha kaba artylli ki jylla ba wan shakhmat kin jam pat sha ka kylla iakhun kaba pura jong kane ka lympung.
Ha ka jingpynbna ia ki kyrteng ki player, ki bor ba dei khmih bad nongjied ia ki player ki la pynbna syndon ia ka nongialam (captain) jong ka kynhun, ha kaba mynta ka kynti la bynshet ha ka Jayshree Singh, katba ka Fennysha Nongrum kan shimti kum ka vice captain, nalor katta la pynap lypa ruh sa kumba san ngut kiwei pat ki thei ialehkai, ioh donkam ban bujli ia ki nongialehkai katba kane ka lympung ka dang jam shakhmat
Haba iadei bad kane, ka jingpynkhreh ia ka kynhun naka bynta kane ka lympung kan sdang naduh ka 9-22 tarik u bnai Risaw ha Nongkhrah, Nongpoh, ha kaba ki thei ialehkai bad ki nongiarap ba dei na ri lum Khasi bad Jaintia kin hap ban wanpoi ha nongbah Shillong ha ka 8 tarik bad hadien kane, kin sa mih lang naka bynta ban hiar pat sha Nongpoh, katba ki thei ialehkai na ri lum Garo kin wan beit sha kane ka jaka kaba la buh bad ka jingmih pat ka kynhun na ka jylla sha Lucknow kan long ha ka 23 tarik u Risaw.
Kyrteng ki player:
Monica Singh, Eliza Lyngdoh, Ronjoli Basumatary, Fennysha Nongrum (VC), Jayshree Singh (C), Cheanchi Kambesa Sangma, Rosabel Lyngkhoi, Jennifer Fancon, Isha Ray, Rafinia Ryntathiang, Beneros D Shira, Chigesanora Marak, Banchila R Marak, Namesha A Marak, Julitha Sangma
Standbys:
Joanna Pyngrope, Dejianna M Sangma, Steffinie Sohshang, Shreya Marak, Yoolang Suting
Support staff:
Bhakupar Mylliemngap (Head Coach), Overjoy Lyngkhoi (Assistant Coach), Lucky Mary Marbaniang (Phyiso), Helyna D Sangma (Trainer), Obed Sangma (Manager)
 ka la pynbna mynta ka sngi ia ki kyrteng ki thei ialehkai ba 15 ngut ki jong ka, kiban mihkhmat ia ka jylla sha ka BCCI's U-19 Women's T20 Trophy plate group kaban sdang naduh u bnai u ban wan ha Lucknow.){kind=link}