Shillong, Risaw 10: Ka Jylla Meghalaya kala shah pynrem ha ka Pondicherry da 131 run ha ka BCCI Women’s U-19 One Day Trophy kaba la long hynne ka sngi ha Surat.
Ka Meghalaya kala pynia iala ka sap bad kala pynhap lut ia ki nongtied jong ka Pondicherry kaba la kamai 228 run ha ka 43.4 over. Hynrei3 ngut ki nongtied jong ka Meghalaya kila out noh dang kloi bad ka Meghalaya kala kamai tang 97 run ha ka 33.5 Over ha ka jingbeh ia ka thong kaba la buh da ka Pondicherry.
Ka Kambesa A Sangma jong ka Meghalaya, kala shim 3 wiket bad ai 32 run bad kala kami ruh 18 run khlem out.
Kila don haduh 9 ngut ki nongkawang bol jong ka Meghalaya bad na kine ka Fennysha Nongrum kala ioh 2 wiket bad ai 31 run, ka Abiezer Kharsyiem kala ioh 2 wiket bad ai 36 run, ka Jayshree Singh kala ioh 1 wiket bad ai 6 run bad ka Ankita Sharma kala ioh 1 wiket bad ai 49 run.
Ha ka jingleit ban tied ka Jayshree kala kami 17 bad ka Ankita kala kamai 18 run bad kine kila neh slem bad kila lah ban pynkamai iaka Meghalaya 43 run ha ka wiket kaba Lai, hynrei ha kaba khatduh ka Meghalaya kala out lut bad kamai tang hapoh jong ka 100 run.
Ka Meghalaya kan iakhun pyrshah ia ka Manipur haka Sngi Palei.
