Shillong, Nohprah 03: Ka Meghalaya Cricket Association ka la pynbna ia ki kyrteng jong ki 15 ngut ki thei ialehkai ryngkat bad ki 5 ngut kiwei pat (standby), ban mihkhmat ia ka Jylla sha ka lympung ialehkai jong ka BCCI’s U-19 Women’s One Day Trophy 2025-26 plate group.
Kane ka lympung ialehkai kan sdang naduh ka 13 tarik mynta u bnai Nohprah, ha kaba ka Meghalaya kan iakhun pyrshah ia ka Tripura, kaba la buh ban long ha Nagpur, kiwei pat ki kynhun ba la don lang ha kane ka thup ki long ka Arunachal Pradesh, Manipur, Mizoram bad Sikkim.
Haba pynbna ia ki kyrteng jong ki player, ka MCA ka la pynbna artad ruh ia ka kapten ka kynhun kaba mynta ka kynti la bynshet ha ka Fennysha Nongrum, katba ka Cheanchi Kambesa Sangma la jied ia ka kum ka vice captain bad u coach u dei u bah Bhakupar Mylliemngap.
Ka jingpynkhreh ia kane ka kynhun kan sdang naduh ka 5-9 tarik mynta u bnai ha madan ialehkai ka RBDCA, Pahamsning, Nongkhrah bad ka kynhun kan mih na la iing ha ka 10 tarik mynta u bnai.
Kyrteng ki player: Monica Singh, Ronjoli Basumatary, Fennysha Nongrum (C), Jayshree Singh, Cheanchi Kambesa Sangma (VC), Banchila R Marak, Beneros D Shira, Shreya Marak, Dejianna M Sangma, Joanna Pyngrope, Steffinie Sohshang, Yoolang Suting, Jennifre Fancon, Chigesanora Marak, Eliza Lyngdoh
Stanbys: Isha Ray, Julitha Sangma, Rosabel L Lyngkhoi, Namesha A Marak, Rafinia Ryntathiang
, ban mihkhmat ia ka Jylla sha ka lympung ialehkai jong ka BCCI's U-19 Women's One Day Trophy 2025-26 plate group. ){kind=link}