Shillong, Nailur 17 : U Myntri Rangbah ka Jylla Conrad K Sangma ha ka sngi Balang, ula bate kam sha ki 8 ngut ki Myntri thymmai haba buh ia katto katne kynthup ka tnad Cabinet Affairs, Finance halade.
Ki 8 ngut ki Myntri ki kynthup ia saw na ka National People’s Party (NPP)-Wailadmiki Shylla (Jpwai), Timothy D Shira (Resupbelpara), Brening A Sangma (Dalu) bad Bah Sosthenes Sohtun (Jirang), arngut na ka UDP-Bah Metbah Lyngdoh (Mairang) bad Bah Lahkmen Rymbui (Amlarem), bad mar uwei na ka BJP Bah Sanbor Shullai (South Shillong) bad HSPDP Bah Methofius Dkhar (Mawshynrut).
Kat kum ka jingpynbna, u Myntri Rangbah un dang iai bteng ban bat hi ia ka cabinet affairs, tnad Finance bad kino kino ki tnad ki bym pat shym la ai sha kiwei ki Myntri.
Ki arngut ki Symbud Myntri Rangbah-Bah Prestone Tynsong bad Bah Sniawbhalang Dhar, kin dang bat hi ia ki juh ki tnad treikam.
U Bah Prestone un dang bat ia ka tnad kam Pohiing (Police), Public Works Department (Roads & Bulding), District Council Affairs (DCA), bad Parliamentary Affairs katba u Bah Sniawbha un dang bat ia ka Tnad Urban Affairs, Transport, Commerce & Industries bad ka Prison nad Correctional Services.
U Myntri Marcuise N Marak, uba la pynneh ha ka shuki da u Myntri Rangbah, ula ioh ia ka Tnad Soil & Water Conservation kum ka tnad thymmai haba bteng ban bat ia ka tnad Public Health Enigineering (PHE) bad ka Housing.
Na ki 8 ngut ki Myntri thymmai, u Bah Metbah Lyngdoh ula ioh ia ka tnad Bording, Water Resources, Taxation bad Textile katba u Bah Lahkmen Rymbui ula ioh khmih ia ka Tnad Education, Revenue Distaster, Information & Public Relation bad ka Tnad Law.
U Timothy D Shira ula ioh ia ka Tnad Tourism, Agriculture bad Fisjeries, u Brening ula ioh ia ka Border Area Development, Excise & Home (Civil Defence and Home Guard).
U Bah Sosthenes Sohtun ula ioh ia ka Tnad Community & Rural Development (C&RD), Secretariat Administrative Department (SAD) bad ka General Administrative Department (GAD) katba u Bah Wailadmiki Shylla ula ioh khmih ia ka Tnad Health & Family Welfare, Sports & Youth Affairs bad Home (Passport).
U Bah Sanbor Shullai ula ioh khmih ia ka Tnad Animal Husbandry & Veterinary, Arts & Culture, Printing & Stationery bad Legal Metrology.
U Bah Methodius Dkhar ula ioh khmih ia ka Tnad Food Civil Supply & Consumer Affairs, Labour Employment & Skill Department, Registration & Stamps bad ka Tnad Cooperation.
