Shillong, Rymphang 03 : U Chairman bad u Executive Member ka Khasi Hills Autonomous District Council (KHADC) ha ka sngi Ba-ar, kila ai ka jingbatai kaba bniah ia ka kynhun ki nongthoh khubor na Karnataka haba iadei bad ka bynta, ka bor bad ka kamram jong ki Autonomous District Council (ADC), kiba treikam hapoh ka Sixth Schedule jong ka Riti Synshar ka Ri.
Kila batai ba kumno ka KHADC ka shim ia ka bynta ba kongsan ban pynneh pynsah ia ka riti dustur, riti tynrai bad ka snap ba kyrpang jong ki paid Khasi, haba khmih ruh ia ka synshar khadar bad ka jingdonkam ka roi ka par ha ka thain.
Ia kane ka jingiakren ia khana la pyniaid da u Chairman ka KHADC Bah Strong Kharjana.
Ki heh Ophisar bad ki Dkhot jong ka Council kiba iadonlang ki kynthup ia ki EM Bah Powell Sohkhlet, Bah Seibor Warbah, Bah Denzil Chen, Kong Deiti Majaw bad Bah DG Syiemiong, Secretary ka Executive Committee.
Ki dkhot ka Council kila batai ia kiba bun ki bynta jong ka synshar khadar, kynthup ka jingtreikam jong ki Dorbar Hima, ki Dorbar Shnong, ka jingpyntreikam ia ki customary law, bad ka rukom pyniaid ia ki jaka bad spah mariang ha ka thain.
Ka kynhun ki nongthoh khubor kila pan ia ka jingpynshai na ki nongialam ka KHADC halor ka rukom synshar ba laitluid bad ka jingiadei bad ka synshar khadar ka juk mynta. Kane ka jingiakren kala ai ia kine ki nongthoh khubor ia ka jingsngewthuh kaba kordor shaphang ka rukom synshar ba kyrpang ka Meghalaya, kaba iaid lang ryngkat bad ka riti ka dustur kiba la rim bha bad ki rukom synshar ba mynta.
 ha ka sngi Ba-ar, kila ai ka jingbatai kaba bniah ia ka kynhun ki nongthoh khubor na Karnataka haba iadei bad ka bynta, ka bor bad ka kamram jong ki Autonomous District Council (ADC), kiba treikam hapoh ka Sixth Schedule jong ka Riti Synshar ka Ri.){kind=link}