Nongpoh, Nailur 21 : Ki Pulit ka Ri-Bhoi District hynne ka sngi Saitjain, kila ioh bat ia kawei ka trok ha Nongpoh bad ioh kurup ia u ganja uba khia haduh 9 kilo.
Halor ki jingioh khubor kiba paka, ki Pulit ka Ri-Bhoi kila pynlong ia ka jingap shrip ha Umsning bad ha Nongpoh ia kane ka trok hynrei ia kane ka trok la ioh ban bat ha Nongpoh.
Kane ka trok ka dei kaba don u nombor NL02-N 2630 bad ha ka jingtalasi, ki Pulit kila ioh kurup ia une u ganja uba la song bha ha ki plastic.
Ki Pulit kila kem noh ia u nongniah jong kane ka trok uba kyrteng u Geramsha Boro ba 24 snem na Tezpur. Ki Pulit kila register case ia une u briew ha Nongpoh Police Station hapoh ka kyndon NDPS Act.
