Shillong, Lber 02 : Ka Khasi Students’ Union (KSU) North Khasi Hills Eastern Border Area, ha ka sngi Nyngkong, kala ioh bat ia u suba doktor jakoid, uba ai jingsumar ia ki nongpang ha ka shnong Umraling, kaba hap hapoh ka Mawlasnai Police Outpost.
Ia une u suba doktor jakoid la ioh bat da ka KSU hadien ka jingujor ki paidbah ia ka jingdon une u briew uba buh clinic ba khlem signboard bad ki kot ki sla ki bym biang ha kane ka shnong. Une u briew u kyrteng u Syed Nazir Shah.
Ka seng hapoh ka jingialam u President Banjop Maring, kala leit jurip ia kane ka dukan bad lap ia une u bar jylla uba kam ialade kum u doktor.
La iathuh ba ha kane ka clinic, une u briew u ju ai drip bad ai injek ia ki nongpang kiba wan shim dawai na u bad la ong ba kaba ishyrkhei ka long ba ia ki thirnia injek ba ula pyndonkam, u ju pynlang ha kane ka kamra sumar bad u ju ai sha ki nongtam tin jot.
Ka KSU ka ong b aka kamra sumar briew ruh ka long kaba isaitmet bha namar ka jingjakhlia nalor ba la pyndonkam lang ia ka kum ka kamra shet jingshet.
Ia une u bar jylla la leit ban aiti noh sha ki Pulit ka Mawlasnai Police Outpost ba kin tohkit bad pynngat ia u hapoh ki kyndon ain.
Ha kajuh ka por, ka Seng ka kyntu ia ki Nongialam Shnong ba kim dei ban ailad ia kum kine ki jaitbriew khamtam kiba ialehkai bad ka iap ka im jong ka Jaidbynriew.
 North Khasi Hills Eastern Border Area, ha ka sngi Nyngkong, kala ioh bat ia u suba doktor jakoid, uba ai jingsumar ia ki nongpang ha ka shnong Umraling, kaba hap hapoh ka Mawlasnai Police Outpost.){kind=link}