Shillong, Jymmang 12: Ka Khasi Student Union (KSU) Mawshynrut Circle hynnin ka sngi Saitjain, ka la bat ia kawei ka kali Pickup AS 18 AC 6193 kaba dap da ki bar jylla ba wan na Assam hadien ka jingioh rung na ka Infiltration Check Gate kaba don ha Aradongnga West Khasi Hills.
Ia kane ka kali Assam la bat da ka seng haka jingialam jong u Samla Korbar Marthong Assistant Organising Secretary KSU Mawshynrut lem bad ki dkhot.
Haba ka jingtohkit, kine ki briew na Assam kila pyntip ba ki mut ban leit trei sha Ummulong West Jaintia Hills. La shem ruh ba kine ki bar jylla kim don satia ia ki kot ki sla ba biang wat ki kot ki ban pynshisha ba ki dei ki nong India.
Halor kane, ka KSU mar mar kila pynphai noh ia ki bar Jylla bad iaka kali sha Assam.
Halor kane ka jingjia, ka KSU ka ther tyngeh tyngeh iaki bor khmih Infiltration Check Gate Aradongnga West Khasi Hills kiba la pyllait lait lan khlem da peit bniah iaka jingrung jingmih ki bar Jylla.
Ka seng kala maham tyngeh ruh ba nangne shakhmat lada ka dang iai lap ia kum kane ka kam hapoh ka Aradongnga Check Gate, ka seng kam banse ban buh hi noh iaka Infiltration Check Gate ban tehlakam ia ka jingrung laitlan ki bar jylla.
