Tura, Aug 27: Ka seng AHAM na East Garo Hills district kala bat ia kawei ka kali kaba la kit ban khaii be-aiñ ia ki diengkseh napoh jong ka Songsak Forest Reserve sha ka jylla Assam.
Katkum ki khubor bala iohlum la iathuh ba ka seng Aham kala ioh iaka ijingtip kiba paka halor ka jingkit iaki diengkseh haka por 12:30 shiteng synnia bad haba kila lap ia katei ka kali kila pynsangeh bad haba kila pynlong iaka jingtalasi ki nongialam ka Aham kila shem ia ki diengkseh kiba dang shu dep pom.
Ia kitei ki diengkseh kiba la iohbat la phah sha Songsak Forest Reserve, East Garo Hills William Nagar.
Dang ha ka 24 tarik u Nailar, ki nongtuh ia ki diengkseh na rilum Garo kila ioh phet krad ryngkat bad ka trok kaba la kit be-aiñ ia ki diengkseh kiba dang shu dep pynkhyllem watla kala don ka jingpyrshah jong ki nongshong shnong ban kurup ia kitei ki dieng bad ki tiar haka thaiñ Garobadha jongka West Garo Hills haka 23 tarik u Nailar.
Ka Mahindra Bolero mini truck kadei kaba don ia u number jong ka jylla Assam kaba la kit ia ki 10 tylli ki diengkseh kiba dang shu dep pom bad ia kine ki nongtuh dieng la lap da ki nongshong shnong ka Megonggre,Garobadha jongka West Garo Hills.
Pule ruh: Khie biang ka jingiakynad ha Manipur : Thang ki runar ia lai tylli ki Iing ha Imphal
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
