Itanagar, Jylliew 13 : U Pema Khandu, uba jop dang shen ia ka Elekshon MLA khlem ki nongialeh pyrshah, ula bam smai biang hynne ka sngi Palei kum u Myntri Rangbah ka Arunachal Pradesh ha ka sien kaba lai jong ka samoi treikam.
U Lat ka Jylla Lt. Gen. (Retd.) K.T. Parnaik ula pynbam smai ia u Khandu ha ka jingiadon ryngkat u Myntri kam Pohiing ka Ri Amit Shah, u Myntri ka Koit ka Khiah JP Nadda, u Myntri Rangbah ka Assam Himanta Biswa Sarma bad bun ki nongialam ka BJP ha DK Conventional Hall, Itanagar.
Ha ka elekshon MLA 2024, ka BJP kala jop haduh 46 seat na ka 60 seat ba kynthup ia 10 ngut ki kyrtong kynthup u Khandu, kiba la jop ia ka elekshon khlem ki nongialeh pyrshah.
Ha ka sngi Balang, u Khandu ula shah jied biang kum u Nongalam ka BJP Legislature Party ha Arunachal Pradesh ha ka jingiadon lang ki arngut ki Nongpeit pyrman ka BJP na Delhi. Ula shimti ia kane ka kam naduh u snem 2016.
Ha ryngkat u Khandu, u Chowna Mein ruh ula bam smai biang kum u Symbud Myntri Rangbah ka Arunachal Pradesh.
La khmih lynti ba ka kynhun Myntri jong u Khandu kan kynthup ia u Biyuram Waghe, Chowna Mein, Nyato Dukam, Gabriel Denwang Wangsu, Wangki Lowang, Pasang Dorjee Sona, Mama Natung, Dasanglu Pul, Balo Raja, Kento Jini, bad Ojing Tasing.
 K.T. Parnaik ula pynbam smai ia u Khandu ha ka jingiadon ryngkat u Myntri kam Pohiing ka Ri Amit Shah, u Myntri ka Koit ka Khiah JP Nadda, u Myntri Rangbah ka Assam Himanta Biswa Sarma bad bun ki nongialam ka BJP ha DK Conventional Hall, Itanagar.){kind=link}