Shillong, Rymphang 11 : U Justice S. Vaidyanathan ula bam smai kum u Chief Justice ba thymmai ka Iingkashari Meghalaya High Court hynne ka sngi U Blei.
U Lat ka Jylla Phagu Chauhan ula pynbam smai ia u Justice Vaidyanathan ha ka jingialang pynbam smai kaba long ha Durbah Hall jong ka Raj Bhavan, Shillong.
U Justice Vaidyanathan u dei uba shimti ia ka kam na u Chief Justice Sanjip Banerjee uba la shongthait ha u bnai Naiwieng jong u snem bala lah.
Shuwa kane ka jingshah thungkam, u Justice Vaidyanathan ula shakri kum u Judge ka Madras High Court naduh u bnai Risaw 2013.
