Shillong, Naitung 20 : U National Working President bad MLA barim ka Dadenggre James Pangsang Kongkal Sangma, ha ka sngi Nyngkong, ula bam smai kum u MP ba marwei ka Meghalaya sha Iingdorbar Rajya Sabha.
U Chairman ka Rajya Sabha CP Radhakrishnan ula pyntian smai ia une u MP ba thymmai, uba la bam smai ha ka ktien Hindi.
La synran ia u da u Para bad Myntri Rangbah ka Jylla Conrad K Sangma, nalor ki nongialam ka party.
Haba thoh ha X, u Myntri Rangbah Conrad K Sangma ula ong “Synran ia u Hynmen jong nga Shri @ JamesSangma 1 ha ka jingbam smai kum u MP ka Rajya Sabha na Meghalaya. Kitbok ia u ha kane ka kam kaba thymmai. Ai ba un long ka sur jong ki briew jong ngi bad iai bteng ban ai ka synniang ba don jingmut sha ka Jylla bad ka Ri”.
Accompanied my brother Shri @JamesSangma1 during his oath taking ceremony as Hon’ble Rajya Sabha MP from Meghalaya. Wishing him Godspeed on his new role. May he be the voice of our people and continue to contribute meaningfully to our state and nation. pic.twitter.com/ZcLxuDBEIR
— Conrad K Sangma (@SangmaConrad) July 20, 2026
Ka NPP kala ai khublei ruh iala u nongialam halor kane ka jingkitkhlieh ba thymmai.
“Ka jingai khublei naduh ka mynsiem ia u James Pangsang K Snagma halor ka jingbam smai kum u MP ka Rajya Sabha ba thymmai na Meghalaya” ong ka party.
“Kitbok ba un ioh ia ka bor, ka jingstad bad ka jingjop baroh haba u rah ia ka sur bad ka jingangnud jong ki briew ka Meghalaya sha ka rynsan kaba hehduh jong ka Ri”.
U James Sangma, uba la long MLA arsien na Dadenggre bad Myntri barim ka Sorkar, ula shah jied khlem kano kano ka jingialeh pyrshah ban long u MP ka Rajya Sabha ha u bnai bala lah.
