Nongpoh, Iaiong 29 : Kawei ka trok kit jri ne rubber, hynne ka janmiet sngi Nyngkong, kala iingkhong khait na ka jingpluh ding katba ka dang ieng harud ka surok National Highway-06 ha ka shnong Jyntru, Ri-Bhoi District.
Kane ka jingjia la antad ba ka jia ha ka por 2 baje 2:30 eiei bad la iathuh ruh ba kane ka jingpluh ding kala jia ha ka por ba u nongniah bad u nongbud jong kane ka trok, ki dang iathiah pynjah thait hapoh ka kali namar ka jingshit kyr-ang palat ka sngi.
Ki Pulit ki iathuh ba kane ka trok kala shu kem ding kynsan kynsan bad namar ka jingjur sa ka lyer bad ka jingdon ka jri, ki tylliej ding kila bam sted bha ia ka kali.
Ki iathuh ba u nongniah bad u nongbud jong kane ka trok ki dang iohthiah ha ka por ba pluh bad kila kyndit ynda ki thyllieh ding kila dei ia ka met ha kaba baroh arngut kila mynsaw na kane ka jingjia.
Tad haduh ba thoh ia ka khubor, ki Pulit pynlip ding na Nongpoh, Umsning bad Umiam ki dang don ha kane ka jaka ban pynlip ia ka ding.
