Shillong, Kyllalyngkot 10: Ka ding kaba la klang bha hynne ka miet kala bamduh ia kawei ka ïing Building kaba don ha Mawbah, Shillong bad kane ka jingjia kala pynher syrngiew ia ki paidbah kiba sah ha katei ka shnong.
Katkum ki khubor bala iohlum na ki nongpyniaid shnong, kila iathuh ba katei ka iing kaba pluh kadei jong ka Kong Ermon Nongkynrih bad kane ka jingpluh kala jia ha ka por 7 baje mynmiet.
La iathuh ba ka ding kala klang bha bad ki kali pynlip ding kila wan ban tem ia katei ka ding bad la iathuh ruh ba kala don ruh ka jingbthei jong ki Cylinder Gas.
Haduh ba thoh ia kane ka khubor ym pat lah ban tip ia ka daw tynrai jong katei ka jingpluh hynrei la suba jur ba ka lah ban dei namar ka jingthud ka bording elektrik ne Short Circuit.
Nalor kane ym pat ioh ruh ia kano kano ka jingtip kaba thikna la ki don ne em kiba mynsaw ne kano kano ka jingjia ha katei ka jingpluh jong katei ka iing.
