Tura, Jymmang 30: Ka ding kaba klang bha, kala bam duh bad pynkylla dpei ia lai tylli ki dukan ha Dakopgre kaba don mar pyrshah ka Dakopgre Petrol Pump, Tura hynne ka step sngi ba-ar.
Kane ka jingpluh ding kala jia ha ka por 8 baje mynstep ha kaba lai tylli ki dukan ba kynthup ia kawei ka dukan sha, kawei ka dukan taiar bad kawei ka dukan khap sniew, kila shah bamduh. Kane ka jaka ka don ruh marjan ka ktem ki CRPF.
Ki Pulit pynlip ding tang mar syn ioh jingtip ia kane, kila phah wut wut ia ki kali pynlip ding ban tehlakam ia ka jingnang pur ka ding sha kiwei pat ki dukan ba marjan.
Ki Pulit ki pyntip ba ha ka jingtohkit ba malu mala, la antad ba kane ka jingpluh ka lah ban dei na ka jingbthei ka tyndong lyer shet jingshet.
Kila antad ruh ba ka jingduhnong na kane ka jingjia ka lah ban kot ia ka 4- 5 lak eiei.
Ki Pulit kila pynlong ia ka jingtohkit ban lap ia ki daw tynrai halor kane ka jingpluh ding.
