Shillong, Rymphang 27 : U Symbud Myntri Rangbah ba khmih ia ka kam Pohiing (Police) Bah Prestone Tynsong ula pyntip ia ka Iingdorbar Thaw Ain ha ka sngi Thohdieng ba ka Jylla ka dang pynthymmai ia ki jingai jinghikai ia ki Pulit hadien ka jingujor ki paidbah ia ka jingpynibor palat, haba kubur ba ka jingsheptieng ia ki briew ba phong uniform ka dang dei ka jingeh hangne ha Meghalaya.
Haba jubab ia ka cut motion, u Bah Prestone ula pyntip ba ki jingai jinghikai kaba man ka dang ka la don hynrei ka Sorkar kan nang pynthymmai ia ka da kaba ban jur halor ka jinglong.
“Ngi don ia ki jingai jinghikai man ka por. Nga ju iakren bad ka DGP halor ka jingsngewkhia jong ki paidbah…don ki khep ba ki briew, tang mar syn iohi ia ki Pulit, ki iaphet noh. Ki da sheptieng hok” ula ong.
U Myntri ula bynrap ba ki riew runar ki lah ban phet krad, hynrei ka jingsheptieng hapdeng ki paid nongshongshnong ka dei ka kam kaba hap ia pyrkhat bha.
“Haba ngi pyrshang ban iakren ia kan, wat ma nga dalade ngam lah ban sngewthuh balei…lehse ka lah bandei namar ka jingleh donbor ha ki katto katne ki jaka”.
U Bah Prestone ula ong ba ki jingai jinghikai bala pynthymmai mynta kan hkai ia ki Pulit ba kin don ka mynsiem ialong paralok bad ba sngewrit ha ka kam ba man ka sngi.
“Nyngkong ki hap ban sngap, ym ban shu leh beit beit da ka kam la ka dei ha kano kano ka kam ruh haba ngi iatyngkhuh ia kum kine ki khep” ula ong.
 Bah Prestone Tynsong ula pyntip ia ka Iingdorbar Thaw Ain ha ka sngi Thohdieng ba ka Jylla ka dang pynthymmai ia ki jingai jinghikai ia ki Pulit hadien ka jingujor ki paidbah ia ka jingpynibor palat, haba kubur ba ka jingsheptieng ia ki briew ba phong uniform ka dang dei ka jingeh hangne ha Meghalaya.){kind=link}