Ba bteng ka NSCN (K-YA) ia ki kam rahbor, pynlong jingiakhih paidbah ha Arunachal Pradesh

Date:

Share post:

Itanagar, Jymmang :Da ka jingsngewkhia halor ka jingshah rahbor ka ba iai bteng jong ki riew paidbah na ki bynta jong ka Tirap, Changlang bad Longding (TCL) district ha ki riewkieng atiar ka kynhun NSCN (K-YA), na ka liang ki nongshong shnong kaTirap, Changlang bad ka Longding hapoh ka jingialam jong ka Peoples’ Forum (TCLPF), hynne ka sngi ki la pynlong da ka jingiakhih paidbah ka ba jar jar hapoh la ki jong ki district headquarter.

Da ki hajar ngut ki paidbah na kylleng ki jaka ki la wan pyniasoh ha kane ka rally. Na ka liang ka Forum ka la aiti ruh ia ka jingthoh (memorandum) halor ki artylli ki mat sha la ki jong ki Deputy Commissioner jong ki district, kata ban dawa na ka bynta ka jingshong shngain jong ki riew paidbah bad ka jingpynbiang ia ki jingdonkam ba kongsan na ka bynta kito ki samla ki ba la wan pyndem noh ia lade. Na ka liang u dkhot ka TCLPF u Nongming K Longchang u la iathuh lyngba ki lad pathai khubor ba haduh palat 20 ngut ki riew paidbah ki la shah rahbor ha katei ka kynhun dang ha kine ki khyndiat bnai ba la dep.Kane ka jingiakhih ka long ruh ka khubor ka ba shai na ka bynta katei ka kynhun kieng atiar ba kum kine ki jingjia kim dei shuh ban dang iai jia hadien habud.

Ha kajuh ka por u kyrpad ruh ia ki nongialam jong ki kynhun kieng atiar khlem da khein ia kano kano ka kynhun, ba kin kiar na ki ba kum kine ki jingleh ki ba wanrah ka jingshong syier hapdeng ki nongshong shnong ki ba im ha ka suk ka sain hapoh kine ki laitylli ki district. Nalor kata u la kyntu ruh ia ki kynhun kieng atiar ba kin kiar na ki kam lute bad dawa pisa jubor khnang ban lah ban pynneh pynsah ia ka suk ka sain hapdeng ki nongshong shnong.Kumjuh u la kyntu jur ia ka sorkar pdeng ba kan shim mardor ia ka rai ka ba neh ha ka jingiakren iasuk hapdeng ka sorkar India bad ka seng lehnoh ki Naga khnang ba ha ryngkat kitei ki laitylli ki district, kiwei pat ki jaka ba shong shnong da ki Naga ruh kin ioh ia ka shongsuk shongsain. Ia kane ka rally la pynlong hapoh ka hukum ba la pynmih da ka Wangcho Council (WC).Da ka ba pynpaw ia ka khubor ka ba khlain sha ki nongialam jong ka kynhun NSCN (K-YA) ba kin kiar na kino kino ki kam rahbor ne ki kam dawa pisa jubor, na ka liang u president ka Wangcho Students Union (WSU) u Pongngoi Joham u la ong ba ki don ki khubor ki ba iathuh ba u Gaon Burah u ba dei na ka shnong Chaotong u la shah rahbor noh dang shen.Halor kane u la dawa ba kane ka kynhun ka dei ban pyllait noh ia u mardor.

Shuh shuh u la khot ruh ia u myntri rangbah (CM) ka jylla u Pema Khandu ba un wan shakhmat ha ryngkat ki sienjam ki ban lah ban pynkut noh shisyndon ia kine ki kam rahbor bad ki kam dawa pisa jubor na ka thain TCL.

Share post:

spot_img

Popular

More like this
Related

Villager killed in elephant attack near Garobadha

Tura, March 29: A villager has lost his life...

Thalain ka SPC ia u President ka VPP ba kynthoh ia ka burom ka ijot ki Nongthoh khubor ka Jylla

Shillong, Lber 28 : Ka Shillong Press Club (SPC)...

Pynjari 144 CrPC u SDM ha Sohra Sub Division namar ka jingshah pyniap ki bar jylla ha Ichamati

Shillong, Lber 28: U Sub Divisional Magistrate ka Sohra...

Sohra admin promulgates section 144 CrPC following Ichamati twin murder case

SHILLONG, MAR 28: The Sub Divisional Magistra of Sohra...