Guwahati, Lber 5: Ha ka sien ba nyngkong eh, u Myntri Rangbah Duh ka Ri Narendra Modi, un leit ban sahmiet shimiet ha Kaziranga National Park, iathuh u Myntri Rangbah ka Assam Himanta Biswa Sarma haba iakren bad ki nongthoh khubor ha Guwahati.
Wat hapdeng ki jingbunkam ban ai sngewbha ia ki project bapher bapher sha ki paidbah ka Guwahati, u Myntri Rangbah Duh un leit ban iuhkjat ha Kaziranga mynta u snem, ong u Himanta haba batai bniah ia kane ka jingwan u Modi.
U PM Modi un plie ia u motdur jong u Khla wait ki Ahom ha Jorhat ha kane ka jingwan jong u. Ha ka miet 9 tarik, u PM Modi un plie ia u motdur u Lachit Borphukan ha Jorhat bad ia une u mot yn sa tip kum u “Statue of Valour”, ong u HImanta.
U Himanta ula iathuh “U Modi un wan poi ha Assam ha ka 8 tarik Lber bad un sah shimiet ha Kaziranga. Ha ka sngi kaba bud, un sa iaid shangkai ha kane ka park”. Kane kan dei ka sien ba nyngkong ia u Myntri Rangbah duh jong ka Ri u ban sahmiet ha Kaziranga. Kane kan nang kyntiew bha ia ka kam shang suwari ha ka thain” ula bynrap.
