spot_img

Assam: Yn iakynduh ki 12 tylli ki Seng ka Liang Pyrshah ban iakhun ia ka BJP ha ka Elekshon Lok Sabha

Date:

Share post:

Guwahati, Risaw 26 : Ki 12 tylli ki seng sain pyrthei kiba don ha ka Liang Pyrshah ha Assam, kin sa iakynduh lang ha Guwahati mynta ka sngi ban iakren halor ka jingiatreilang ha kaban iakhun pyrshah ia ka Bharatiya Janata Party (BJP) ha ka elekshon Lok Sabha 2024 ban wan.

Ia kane ka jingialang la pynlong hapoh ka lama jong ka United Opposition Forum, ka kynhun kaba dei shibynta jong ka kynhun synrop INDIA, kaba la thaw ban iakhun pyrshah ia ka Sorkar National Democratic Alliance (NDA) ba ialam da ka BJP ha ka elekshon Parliament.

Ia kane ka United Opposition Forum la ialam da ka Congress Party bad kiwei ki party kiba kwah ban iakhun lang ha kane ka elekshon Lok Sabha ki kynthup ia ka Trinamool Congress party, Assam Jatiya Parishad (AJP), Jatiya Dal Assam, bad ka Raijor Dal (RD), nalor ki lai tylli ki left party –Communist Party of India (CPI), Communist Party of India (Marxist), Communist Party of India (Marxist-Leninist) Liberationbad kiwei pat kum ka Rashtriya Janata Dal (RJD), Nationalist Congress Party (NCP), bad LDP.

Kat kum ka khubor, kane ka jingialang kan iakren ruh halor ka jingiapynbeit ban sei kyrtong bad kiwei kiwei ki kam kiba don jingiadei bad ka elekshon Lok Sabha.

Share post:

spot_img
spot_img

Popular

More like this
Related

Assam & Meghalaya come together to address Guwahati flooding, conduct satellite-based flood mapping

Guwahati, June 2: In a significant step towards addressing...

Assam and Meghalaya agree to jointly commission Kulsi multi-purpose project

Guwahati, June 2: In a ‘win-win situation’ for both...

Arunachal Pradesh : Register case ka NHRC ba shah ktah ka hok longbriew na ka jingshna dam

Itanagar, Jylliew 2: Ka National Human Rights Commission (NHRC)...

Mynjur ka Meghalaya-Assam ban iaplie lang ia ka Kulsi multi-purpose project

Shillong, Jylliew 02 : Kum ka jingjop ba markylliang...