Guwahati, Nailur 12 : Ka Aktress Assamese, Choreographer Sumi Borah bad u kurim Tarkik Borah, kila wan ban pyndem ialade hynne ka step hakhmat ki Pulit ka Dibrugarh, halor ka jingkynnoh ba ki donkti ha ka jyrsieh Online Trading ba kot da ki hajar klur.
Kine ki shikurim kila shah thwet ha ki Pulit lem bad 4 ngut kiwei pat hadien ba kim shym la wan mih hakhmat ki Pulit halor ka jingshah khot hajir na kane ka kam jyrsieh. Kane ka jingkhot hajir ka la wna jia ruh da ka jingioh kem ia uwei na kiba donkti ha ka jyrsieh u Bishal Phulan.
U Phukan uba long trai jong ka kompani Online, ula shukor ia ki nongkynshew pisa. Une u briew ula shah kem ha ryngkat u Manager na Dibrugarh ha ka taiew bala lah.
U DGP ka Assam GP Singh, haba thoh ha ka X, ula pyntip ba kine ki shikurim kila shah kem mynta ha ki Pulit ka Special Task Force (STF) bad la ialam ia ki sha Dibrugarh Police Station na ka bynta ban pynlong ia ka jingtohkit.
Ia ka jingtohkit halor kane ka jyrsieh la shimti da ka tnad CID bad ka Tnad Pulit kala thaw ruh ia ka Special Investigation Team (SIT) ban ngam jylliew ha ka jingtohkit ia kane ka kam.
