Dibrugarh, Naiwieng 14 : Ka kynhun ki nongkhalai kila thombor ia ka kynhun ki Pulit ha Jerai, kaba hap hapoh ka Dibrugarh, Assam hynnin ka miet sngi Nyngkong.
Kat kum ka jingong ki Pulit, “Hadien ka jingioh ia ka khubor ba thikna ia ka jingdon ki kam iakhalai ha ka thain Jerai, ka kynhun ki Pulit na Bindhakata Police Patrol Post, kila leit ban khynra ia kane ka ktem kaba don marjan ka Kali Temple bad ban kem ruh ia ki nongkhalai hynrei, ki nongkhalai kila pynibor bad kila thombor ia ka kynhun ki Pulit khlem ka jingriej”.
Ki Pulit kila shem ba bun ki briew kila ialum ha kane ka jaka bad kila ialehkai khalai khruk khruk.
Ki pulit ki iathuh ba ki nongkhalai kila ktah kti ia u Incharge jong ka Patrol Post bad kila pynjulor ruh ia ka kali iaid pahara jong ki Pulit.
“Ngi la sdang ia ka jingtohkit halor kane ka case. Baroh ki briew ba donkti kila phetrieh. Ngi la pyrshang katba lah ban ioh kem ia ki” ong ki heh Pulit.
