Guwahati, Nailur 9: Ka jingialang ka kynhun Myntri Sorkar jong ka Assam ha ka sngi Ba-ar kala ai ka jingmynjur ban thaw ia ka Standard Operating Procedure (SOP) hapoh jong ka Immigrants (Expulsion from Assam) Act, 1950, ka ban ai bor ia ki bor pyniaid district ban ithuh bad beh krad noh ia ki briew kiba wan buhai shnong beain ha kane ka jylla.
Kane ka sienjam ba la shim ka thmu ka long ban iakhun pyrshah ha kaba iadei bad ka jingeh kaba mih na ka jingwan buhai shnong beain da ki briew kiba dei na ka rib a marjan, la buh da ka sorkar kum ka lad ban ïada ïa ki trai ri trai muluk jong ka jylla Assam.
Ki mat ba kongsan jong ki SOP ki kynthup ia ka jingithuh (Identification): Lada ki District Commissioner (DC) ki ioh jingtip na ki pulit ne na kiwei pat ki tyllong khubor shaphang u briew kiba suba ba u wan rung beain, kin bthah ia utei u briew ban pyni ia ki kot ki sla nongshong shnong hapoh shiphew sngi.
Ka jingpynshisha (Verification): Lada lap ba ki sakhi kim long kiba biang, ki DC kin buh jingthoh ne record ia ki jinglap bad pynithuh ia u briew kum u nongwan buhai shnong beain.
Ka hukum ban beh krad (Expulsion Orders): Shisien ba la dep ban ithuh, ki DC inn pynmih ia ka hukum beh shnong katkum ka Section 2(a) jong ka 1950 Act, kaba ai por 24 kynta ia u briew ban mih na Assam lyngba ka lynti ba la buh ryntih.
Ka DFN Cases: Declared Foreign Nationals (DFNs), kiba la dep ithuh da ki Foreigners’ Tribunal, yn beh noh khlem da pynshisha shuh.
Biometric Recording: Ha shuwa ban beh krad, yn shim ia ki jingtip ba bniah lyngba ki migrant’s biometric bad demographic jong u nongwan buhai shnong ha ka Foreigners Identification Portal ka jingithuh ia ki nongwei.
Ki jaka set: Lada ki briew kim lah ban jubab, ki DC bad SSP kin buh ia ki ha ka Holding Centre lane kin aiti sha ki Border Guarding Force. Ki nongwan buhai shnong kiba la lap hajan u zero line lane hapoh 12 kynta naduh ba ki rung kin shah pynkynriah noh mardor khlem da donkam shuh ban leh ei ei.
Sa kiwei pat ki rai jong ka kynhun myntri, nalor ka SOP ka kynhun Myntri kala mynjur ban ai jingiarap haduh ₹5 klur ka jingiarap sha ka jylla Himachal Pradesh na ka Chief Minister’s Relief Fund ban kyrshan ia ki jingjia ba sngewsih.
Ka jingpynbeit kaba shai ha kaba iadei bad ka jingsiew sha 20 ngut ki physiotherapists, speech therapists, accountants, bad ki cashiers ha medical institutions kaba hap hapoh jong ka tnad ka koit ka khiah.
La mynjur ia ka jingpynkylla ne amendment ia ka Assam Agricultural Produce and Livestock Marketing (Promotion and Facilitation) Act, 2020, da kaba pyniadei bad ka central Model Act, 2017, ban pynbha ia ka jinglah ban ioh ia ki iew bad ban pynthikna ia ka jingthew kaba shai, na ka bynta ki nongrep.
