Shillong, Nailur 09 : Haduh 529 ngut ki briew kila iap na ka jingniah kali khlem akor ne niah haba buaid kyiad ha Meghalaya ha kine ki san snem bala leit noh, ong ka kaiphod bala wanrah ha Iingdorbar Thaw Ain da u Symbud Myntri Rangbah ka tnad kam pohiing (Police) Bah Prestone Tynsong.
Ka jingkhein ka pyni ba haduh 474 ngut kila iap na ka jingniah kali khlem akor katba 55 ngut kila iap na ka jingniah haba shoh khawiang.
Haba ai jingkhein ia ka jingiap kat kum ki snem, u Bah Prestone ula pyntip ba ka jingiap na ka jingniah kali khlem akor ka long 73 ha u 2025, 129 ha u 2024, 94 ha u 2023, 96 ha u 2022 bad 82 ha u 2021.
Na ka jingniah kali shoh khawiang, saw ngut kila iap ha u 2025, 12 ha u 2024, 9 ha u 2023, 7 ha u 2022 bad 23 ha u 2021.
 Bah Prestone Tynsong.){kind=link}