Guwahati, Nohprah 25: Ki dkhot ka Vishva Hindu Parishad (VHP) bad Bajrang Dal ha ka sngi Palei, ki la pynlong ia ka jingiakhih ha Dibrugarh bad ki la thang ia ka dur jong u Muhammad Yunus ban pynrem ia ka jingshah pyniap jong u samla Hindu hapoh ka ri Bangladesh.
Ki nong shim bynta haka jingïakhih, ki la pynlong ruh daka jingiaid paidbah na VHP Office bad ki la ïaid sha Thanachariali, ha ryngkat ka jingpyrta pynrem bad pyrshah ïa ka Sorkar Bangladesh daka ba kynnoh ruh ba katei ka Sorkar kam lah ban ïada ïa ki rit paid Hindu.
Ki nongiashim bynta ki la pyrta ruh daki kyntien niam bad ki la dawa ia ka hok na ka bynta u samla ba shah pyniap, uba la ithuh kyrteng kum u Dipu Das.
Ki nongpyniaid jong ka jingiakhih kila iathuh ba la pynlong ia kane ka jingiakhih ban pyni shaka Sorkar halor ka jingsgag pyniap ki samla ha Bangladesh bad ka rukom leh donbor pyrshah ia ki jaidbynriew rit paid.
Ha katei ka jingialang, ki nongiakhih ki la thang ia ka dur jong u Yunus kum ka dak jong ka jingpyrshah.
“Mynta ka sngi, ngi la pynlong ia ka jingiakhih ban pyrshah ia ka Sorkar Bangladesh namar ba kam shym la lah satia ban iada ia ki nongshong shnong Hindu ha Bangladesh. Uwei u samla Hindu u la shah pyniap bad shah thang ha khmat ki paidbah. Ngi pynrem jur ia kum kine ki kam beain” la ong uwei u dkhot ka VHP.
Ki nongïakhih ki la kynnoh ruh ba ki kynhun lehnoh ki ïaid laitluid ha Bangladesh bad ki la kynnoh ba ka Sorkar Bangladesh kam shym la shim ïa ki sienjam kiba biang ban pynthikna ïa ka jingshngaiñ bad ka hok jong ki jaidbynriew rit paid.
 bad Bajrang Dal ha ka sngi Palei, ki la pynlong ia ka jingiakhih ha Dibrugarh bad ki la thang ia ka dur jong u Muhammad Yunus ban pynrem ia ka jingshah pyniap jong u samla Hindu hapoh ka ri Bangladesh.){kind=link}