Guwahati, Iaiong16: U Myntri Rangbah ka jylla Assam u Himanta Biswa Sarma mynta ka sngi Balang u la takrain tyngeh ia u nongialam ka Congress u Rahul Gandhi da kaba kynnoh ba ma u bad ka iing ka sem jong u ki kamai spah na ka National Herald kaba dei ka kynhun ba la register kum ka non-profit.
Na ka liang u Myntri Rangbah ka Assam u Sarma u la buh ka jingkylli ha kaba iadei bad ki mukotduma bad u la rkhie rymmuin ia ka jingiakhih jong ka Congress kaba dang iaid sha khmat.
Haba kren bad ki lad pathai khubor u Sarma u la kynnoh ba la long iing ne khandan ki Gandhi kala shimti ia ka National Herald, bad ka jingdon jingem kaba la kiew haduh ₹2,000 crore.
“Ka kyndon 9 ka kompani, kabym ,ut ban kamai spah hynrei ka lam pat shata” u la ong bad bynrap ruh ba u “Rahul Gandhi u la kynnoh ia u Adani bad Ambani ba ki ioh kamai spah hynrei nangno u ioh ka buit ban pynkylla ia ka ₹50 lak sha ka ₹2,000 crore? Lada u hikai ia nga ia kane ka formula, Nga lah ban pynkylla ia ka Assam.”
“Ha ka jaka ban iakhih ka Congress kala dei ban bthah ia ki Gandhi ban pynphai ia ka ₹2,000 crore sha ka party, bad kane kan lah ban iarap ia ki ban shna pynbha ia ka office, hynrei to shu peit ia ka Rajiv Bhawan ha Assam,” ong u Sarma.
U Myntri Rangbah u la pynpaw ka jingsngew synei ia ki nongtrei ka party Congress da kaba ong ba dei ma ki kiba kynduh jingeh katba ki nongialam ba ha khlieh duh ki kamai pisa.
Shuh shuh u Sarma u la ong, “Kadei ka kamram jong u Rahul Gandhi ban leit mih sha iing bishar bad ban pynshisha ia ka jinglong khuid”.
