Guwahati, Naitung 13: U Myntri Rangbah ka Assam Himanta Biswa Sarma ha ka sngi Palei ula ong ba lada ki Nongialam ka Congress ki don ia ka Khun Kynthei, hato kin pyniashong kurim ia ka bad u briew uba don arngut ki Lok.
Haba iakren bad ki lad pathai khubor, u Himanta Biswa Sawma ula ong “Lada ki Nongialam ka Congress ki don khun Kynthei hato kin pyniashong kurim ia ka bad u briew ba don arngut ki lok. Ka ishu hi ka long baka Congress Party kam sngewthuh ia ka jingpang mynsiem jong ki kynthei Muslim”.
“Ki shim vote na ki kynthei Muslim hynrei kim shym la ai eiei pat ia ki bad kane ka dei ka jingeh kaba khraw bha ia ka Congress. Ka Congress ka kwah ban shim ia ki vote ki Muslim bad shynrang bad kynthei hynrei ki shakri pat tang ia ki Muslim shynrang. Wat u Nabi (Prophet Mahammad) um kyrshan ia ka jingri bun lok” ula bynrap.
U Himanta ula ong “Lad aka Expert Committee kala ai ia ka kaiphod hashuwa kane, ngin sa wanrah ia ka ain ba pyrshah ia ka jingri bun lok ha ka Dorbar ban wan ka Iingdorbar Thaw Ain ka Jylla. Lada ka Expert Committee kam lah ban ai ia ka kaiphod, ngin sa wanrah noh ia ka ain ha ka Dorbar ban long ha u Kyllalyngkot”.
U Himanta ula ong “Ia ka Uniform Civil Code (UCC), yn sa shim rai da ka party bad hooid ka Jylla ka lah ban leh ia kane hynrei donkam ia ka jingmynjur u President hashuwa ban pyntreikam. Ka UCC ka kynthup ia ki ishu bapher bapher, ka Law Commission bad ka Parliamentary Committee kala khmih halor ka UCC bad ka Sorkar Assam kala dep phah ia ka jing kyrshan ia ka UCC”.
“Ha Assam, ngi kwah ban khein beain mar mar ia ka jing ri bun lok hynrei ia mynta, ka UCC kan sa wan bad ngin nym pat leh eiei namar kaei kaba ngin leh kan sa iaid lang bad ka UCC” ula ong.
Pule ruh: Dawa ka JNC ia u Myntri Sorkar ban khanglad ia jingthmu pynpoi lynti rel ha Khliehriat
