Dibrugarh, Nailur 10: Ha ka jingjia kaba ishyrkhei, ki Pulit kila ioh tam ia ka metiap jong ka samla kynthei narud ka surok Bypass ka Dibrugarh.
Ia kane ka metiap la lap hynne ka step por 4:15 baje eiei bad la ithuh ia kane ka metiap da ka Mehek Sharma kaba dang 20 snem ka rta.
Kat kum ka jingiathuh ki Pulit haba nyngkong kila lap shuwa ia ka metiap ka Mehek kaba la thiah lyngktar ha ryngkat ki dak mong ba bun ha ka met, kaba la thiah marjan bad ka kali kaba don u nombor AS06-AH-1143 hapdeng jong ka surok.
Hadien kane, ki Pulit kila lap pat ia uwei u briew ba kyrteng u Aziz Ahmed uba don marjan kane ka metiap. Kane ka kali ka dei jong u Aziz bad kam shym la don dak mong eiei ban suba ia ka jingtakhuh kali.
La iathuh ba ka Mehek Sharma ka dei kaba sah ha Khalihamari, Dibrugrah katba u Aziz Ahmed u dei uba ssah ha Maijan, Dibrugarh.
Ha ka jingtohkit, ki Pulit kila lap ba u Aziz Ahmed, uba la shong kurim bad u Kpa jong arngut ki Kun, ula pynbor ia ka Mehek Sharma ban ia iaid samla bad u la jan hynriew bnai eiei.
La iathuh ba u Ahmed ula ialam shong kali ia ka Mehek ha ka por 3:30 baje jong ka sngi Saitjain. Ki Pulit ki iathuh ba kila lap ruh ia ki dak snam hapoh ka kali bad ka dak trot tyrsim na ka ryngdang jong u Aziz Ahmed.
U SP ka Dibrugarh Shwetank Mishra ula iathuh ba ia u Aziz Ahmed la kem noh da ki Pulit bad ka jingtohkit mynta kala iaid shakhmat.
Ka Moushumi Sharma Kmie ka Mehek kala kynnoh ba ka Khun jong ka, kala shah pyniap ha u Aziz Ahmed.
Pule lang ia kane: “Ka jingbishar ia ka Reservation Police kam dei ban shimpor haduh shisnem” ong ka JCCRP
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
