Guwahati, Jylliew 15: U MLA ka All India United Democratic Front (AIUDF) Rafikul Islam u la takrain tyngeh ia u Myntri Rangbah ka Assam Himanta Biswa Sarma ha ka sngi u Blei namar ka hukum ban “siat naphang” ne ‘shoot at sight’ ha Dhubri hadien ka jingmih ka jingiakynad hapdeng ki ar jaitbynriew.
Haba kren sha ki lad pathai khubor ha ka ophis, party headquarters ha Guwahati, u Rafikul u la pynpaw ka jingsngewkhia kaba jur ia kaei kaba u la khot ba kyrkieh bad kaba thmu ia ka imlang ka sahlang.
“Ngi kwah ia ka jngsuk. Ha Assam baroh ki nongshong shnong ha ka imlang ka sahlang ba kynthup naduh ki Hindus, Muslims, Sikhs, Buddhists, Christians ki ia im lang hapdeng ka jingshong suk shong sain. Hynrei ha ka por ba leh kmen iaka Eid ha Dhubri, ki don ki katto katne ki runar kaba la ialam pat sha ka jingia sngewthuh bakla hapdeng ki nong shong ne hapdeng ki jaitbynriew. Ha ka jingshisha ban weng ia kane ka jingeh bad ban da thung ia ka kynhun tohkit ba janai, phewse u Myntri Rangbah u la pynmih pynban da ka order kaba lah ban ktah ia kano kano ka jaitbynriew khlem ka jingpynshisha” ong u Islam.
Da kaba kdew halor ki jingjia kiba la dep, bad kynnoh ruh ia ka niam ban pynmih shuh shuh ia ka jingiakynad, u nongialam ka AIUDF u la kyntu ia ka sorkar ban sdang ia ka jingtohkit da ki high level ha shwa ban shu rynsied sha kaba kut.
“La don ki khep ne ki jingjia ha kaba ia ka khleh blang la kam ba kadei ka khlieh jong ka Masi, tang ban shu pynmih ia ka jingklumar. Ia kum kine ki jingjia bunsien la leh da ki riew runar tang ban pynbud nam sniew ha ka imlang sahlang. Ngi kwah ia ka jingtohkit kaba janai bad lada lap ia uno uno bal eh kam sniew, khlem da khein ia ka niam ne jaitbynriew kidei ban mad ia ka jingshah pynshitom kaba jur, hynrei ban shu kdew kti beit tang ia kawei ka jaitbynriew ha shwa ban tohkit ka long kaei kaei kaba ym lah ban pdiang” u la ong.
Shuh shuh na ka liang u Islam u la pynpaw ia ka jingsuba jur halor ka jingpynmih ia ka order ba ka lah ban dei ka jingthmu ha ka sain pyrthei namar ba ha Assam shen kan sa don ka Election.
“Kane kala pynmih ia ka jingartatien bad i kumba ki don ki seng sain pyrthei ki ba pyrshang ban pawnam da kaba shu kynnoh bakla ia ki Muslim, Halor kane ngi dawa ia ka hok, ym ka sain pyrthei kaba tieng,” ong u Islam.
Une u MLA u la wohnia ruh ia u Myntri Rangbah halor ka jingbym lah ban leh eiei ha ka por ba ka don ka jingaium snam hapoh ka jylla Manipur.
“Ha Manipur, ka jinglong jingman kala paw shai ba kala nang sniew, hynrei u Myntri Rangbah u kglem nud banpynmih ia ka hukum ban phah siat beit ha shen, hynrei ka jingjia ha Dhubri kam pat long haduh katta katta, hynrei la shim ia kane ka sienjam kaba thew beit tang ia kawei ka jaitbynriew bad ia kane un ym lah ban pdiang.” u la ong.
U Islam u la pynrem jur ruh ia u MP ka Congress u Pradyut Bordoloi halor ki khubor ba u kyrshan iaka rai jong ka sorkar. “Ka long kaei kaei kaba sngewsih ba u MP ka Congress u Pradyut Bordoloi uba la kyrshan ia kane ka rai jong ka sorkar ban siat beit ha shen. U la ioh ia ka jingjop kadei da ka jingkyrshan jong ki Muslim bad ka jingkyrshan ia kum kane ka sienjam khlem da don kano kano ka jingtohkit kadei ka jingshet kylla,” u la ong.
Shuh shuh une u nongialam ka AIUDF u la pynkut da kaba u la kyntu ban don ka shong suk shong sain khlem da don kano kano ka jingshah liang.
 Rafikul Islam u la takrain tyngeh ia u Myntri Rangbah ka Assam Himanta Biswa Sarma ha ka sngi u Blei namar ka hukum ban “siat naphang” ne 'shoot at sight' ha Dhubri hadien ka jingmih ka jingiakynad hapdeng ki ar jaitbynriew.){kind=link}