Dibrugarh, Jylliew 28: Ka jingshlei um ha Dhemaji district, Assam, ka la nang jur shuh shuh ha ka Sngi U Blei, hadien ba ka jingkieng nar kaba jrong 300 meter, kaba don halor ka wah Kemi, ka la shah rong noh ha ka um, kaba ka la pyndkut noh ïa ka jingïasoh kaba kongsan hapdeng ka thaiñ Kemi-Purana Jelom bad ka Jonai.
Ki nongshong shnong ki la iathuh ba ka um jong ka wah ka la sdang ban kiew stet bha ha ka por 11 baje mynstep bad ka la nang jur bha hapoh shiteng kynta. Ha ka por kumba 11.30 mynstep, ka wah ka la tuid sha ki rud jong ka bad ka la rong noh ia ka jingkieng.
Ka jingtwa ka la pynduh noh shisyndon ïa ka jingïadei hapdeng ki katto katne ki shnong ha baroh arliang jong ka wah, kaba la pynthut ïa ka jingïaid lynti bad kaba la pynmih ïa ka jingsngewkhia halor ka jingïoh ïa ki jingïarap bad ki jingshakri ba kyrkieh.
Haba kynthoh halor kane ka jingsniew jong ka jinglong jingman, u Myntri Rangbah ka Assam u Himanta Biswa Sarma u la ong ba ka sorkar ka dang buddien bha ïa kane ka jingshlei um bad kan pyndonkam ïa baroh ki lad ki lynti na ka bynta ban ai jingïarap bad ban pynbha pat ïa ka jingshlei um.
“Naduh ba ka jingshlei um ka la jia ha Dhemaji, nga la buddien bha ia ka jinglong jingman. Ngi sngewsih jur ia ka jingktah kaba ka la ktah ia ka jingim jong ki briew jong ngi bad ha kane ka por kaba eh, ngi ieng skhem bad ki,” la ong u Sarma ha ka jingthoh ha ka X.
Since the flood situation has unfolded in Dhemaji, I’ve been closely monitoring the situation.
We are deeply saddened by the impact it has had on the lives of our people and in this difficult time, we firmly stand with them.
We are deploying a whole of government approach and… pic.twitter.com/4XJGzy0PFI
— Himanta Biswa Sarma (@himantabiswa) June 28, 2026
U Myntri Rangbah u la ong ba ka jylla ka shim ïa ka “rukom treikam jong ka sorkar baroh kawei” ban ïakhun ïa kane ka jingeh bad ula bthah ïa u myntri tnad Water Resources u Pijush Hazarika bad ïa u myntri ka tnad Revenue and Disaster Management u Keshab Mahanta ban shong ktem ha Dhemaji bad peit ïa ki kam ai jingïarap.
“Ngin ym iehnoh ban pynduna ia ka jingktah jong kine ki jingshlei um ia ki briew jong ngi,” u la ong.
Ka jingshah rong noh ka jingkieng, la khmih lynti ba kan nang pynjur shuh shuh ia ka jingeh jong ka jingshlei um ha Dhemaji, kawei na ki distrik jong ka Assam, kaba ju jia ka jingshlei um, ha kaba u slap uba jur ha ki jaka ba shalor bad ka jingkiew jong ka um, ka la pynshlei um ia ki katto katne ki jaka kiba rit.
Ki bor pyniaid ki dang bishar bniah ia ka jingjulor bad wad ki lad ki lynti ban pynioh biang ia ka jingpyniasoh bad ban pynthikna ia ka jingpynpoi ia ki tiar jingiarap sha ki shnong kiba shah ktah.
